ਬੀ.ਬੀ.ਕੇ ਡੀ.ਏ.ਵੀ ਕਾਲਜ ਵੁਮੈਨ ਦੀਆਂ ਵਿਦਿਆਰਥਣਾਂ ਦੀ ਇਨਫੋਸਿਸ ਨੇ ਕੀਤੀ ਚੋਣ

ਅੰਮ੍ਰਿਤਸਰ, 18 ਜੂਨ (ਜਗਦੀਪ ਸਿੰਘ ਸੱਗੂ) – ਬੀ.ਬੀ.ਕੇ ਡੀ.ਏ.ਵੀ ਕਾਲਜ ਵੁਮੈਨ ਦੀਆਂ ਵਿਦਿਆਰਥਣਾਂ ਦੀ ਮਲਟੀਨੈਸ਼ਨਲ ਇਨਫਰਮੇਸ਼ਨ ਤਕਨਾਲੋਜੀ ਕੰਪਨੀ ਇਨਫੋਸਿਸ `ਚ ਚੋਣ ਹੋਈ।ਇਹ ਕੰਪਨੀ ਬਿਜ਼ਨਸ ਕਨਸਲਟਿੰਗ, ਇਨਫਰਮੇਸ਼ਨ ਤਕਨਾਲੋਜੀ ਅਤੇ ਆਉਟਸੋਰਸਿੰਗ ਸੇਵਾਵਾਂ ਪ੍ਰਦਾਨ ਕਰਦੀ ਹੈ । ਕੰਪਨੀ ਦੀ ਆਨਲਾਈਨ ਪਲੇਸਮੈਂਟ ਡਰਾਈਵ ਤਹਿਤ ਕੁੱਲ 9 ਵਿਦਿਆਰਥਣਾਂ ਚੁਣੀਆਂ ਗਈਆਂ।ਜਿੰਨਾਂ ਵਿੱਚ 8 ਬੀ.ਸੀ.ਏ ਅਤੇ ਇਕ ਬੀ.ਐਸ.ਸੀ (ਆਈ.ਟੀ) ਦੀ ਵਿਦਿਆਰਥਣ ਹੈ।ਚੋਣ ਪ੍ਰਕਿਰਿਆ `ਚ ਆਨਲਾਈਨ ਯੋਗਤਾ ਟੈਸਟ, ਤਕਨੀਕੀ ਟੈਸਟ ਅਤੇ ਅੰਤ `ਚ ਐਚ.ਆਰ ਇੰਟਰਵਿਊ ਹੋਈ।ਚੁਣੀਆਂ ਗਈਆਂ ਵਿਦਿਆਰਥਣਾਂ ਨੂੰ 2,20,000/- ਰੁਪਏ ਦਾ ਆਕਰਸ਼ਕ ਸਾਲਾਨਾ ਪੈਕਜ਼ ਆਫਰ ਕੀਤਾ ਗਿਆ ।
              ਪ੍ਰਿੰਸੀਪਲ ਡਾ. ਪੁਸ਼ਪਿਦੰਰ ਵਾਲੀਆ ਨੇ ਚੁਣੀਆਂ ਗਈਆਂ ਵਿਦਿਆਰਥਣਾਂ ਨੂੰ ਵਧਾਈ ਦਿੱਤੀ।ਉਹਨਾਂ ਨੇ ਮਨੋਜ ਪੁਰੀ ਡੀਨ ਪਲੇਸਮੈਂਟ ਅਤੇ ਉਹਨਾਂ ਦੀ ਸਾਰੀ ਟੀਮ ਦੀ ਸ਼ਲਾਘਾ ਕੀਤੀ।