Sunday, November 22, 2026

ਰੱਖੜੀ

ਸਾਡੇ ਪਿੰਡ ਨੂੰ ਜੋ ਆਉਂਦੀਆਂ ਸੁਗੰਧੀਆਂ, ਰੱਬਾ ਆਉਂਦੀਆਂ ਹੀ ਰਹਿਣ ਦੇ
ਮੇਰੇ ਵੀਰ ਨੇ ਬੰਨਾਉਣ ਅੱਜ ਰੱਖੜੀ, ਵਿਹੜੇ ਆਉਣਾ ਛੋਟੀ ਭੈਣ ਦੇ

ਮੱਥਾ ਚੁੰਮ ਜਦੋਂ ਗਲ ਨਾਲ ਲਾਊਗਾ
ਮੇਰੀ ਅੱਖੀਆਂ ਚ` ਨੀਰ ਭਰ ਆਊਗਾ
ਤੇਲ ਚੋਅ ਕੇ ਪਵਾਉਣੇ ਘਰ ਪੈਰ ਮੈਂ, ਸੜਦੇ ਨੂੰ ਸੜ ਲੈਣ ਦੇ
ਮੇਰੇ ਵੀਰ ਨੇ…

ਅਸਾਂ ਨੱਚ ਨੱਚ ਪਾਉਣੀਆਂ ਧਮਾਲਾਂ ਨੇ
ਕਰ ਗਿੱਧੇ ਵਿੱਚ ਦੇਣੀਆਂ ਕਮਾਲਾਂ ਨੇ
ਸੋਹਣੇ ਮਾਹੀ ਨੂੰ ਪਿਆਰ ਆਖਣਾ, ਵੀਰ ਕੋਲ ਮੈਨੂੰ ਬਹਿਣ ਦੇ
ਮੇਰੇ ਵੀਰ ਨੇ…

ਮੇਰਾ ਵੀਰ ਪ੍ਰਦੇਸਾਂ ਵਿੱਚ ਵੱਸਦਾ
ਖੁਸ਼ ਵੇਖ ਮੈਨੂੰ ਸਦਾ ਰਹੇ ਹੱਸਦਾ
ਦਿਲ ਬਾਗੋਬਾਗ਼ ਹੋਊ ਉਹਨੂੰ ਮਿਲ ਕੇ, ਦਿਲ ਦੀ ਸਚਾਈ ਕਹਿਣ ਦੇ
ਮੇਰੇ ਵੀਰ ਨੇ…

‘ਲੱਖਾ ਸਲੇਮਪੁਰੀ’ ਵੀਰਨੇ ਦਾ ਨਾਮ ਨੀ
ਛਾਇਆ ਦੁਨੀਆਂ ਤੇ ਬੜ੍ਹਾ ਹੈ ਮਹਾਨ ਨੀ
ਦਿਨ ਜ਼ਿੰਦਗੀ ਮੇਰੀ ਦੇ ਵਿਚੋਂ ਮੁੱਕ ਗਏ, ਵੀਰ ਦਾ ਵਿਛੋੜਾ ਸਹਿਣ ਦੇ
ਮੇਰੇ ਵੀਰ ਨੇ… 1709202303

ਲਖਵਿੰਦਰ ਸਿੰਘ ਲੱਖਾ ਸਲੇਮਪੁਰੀ
ਸੰਪਰਕ- +919855227530

Check Also

ਜਥੇਦਾਰ ਗੜਗੱਜ ਦੀ ਅਗਵਾਈ ‘ਚ ਗੁਰਦੁਆਰਾ ਸ੍ਰੀ ਨਨਕਾਣਾ ਸਾਹਿਬ ਲਈ ਸਿੱਖ ਸ਼ਰਧਾਲੂਆਂ ਦਾ ਜਥਾ ਰਵਾਨਾ

ਅੰਮ੍ਰਿਤਸਰ, 22 ਨਵੰਬਰ (ਗੁਰਪ੍ਰੀਤ ਸਿੰਘ) – ਗੁਰਦੁਆਰਾ ਸ੍ਰੀ ਨਨਕਾਣਾ ਸਾਹਿਬ (ਪਾਕਿਸਤਾਨ) ਵਿਖੇ ਸ੍ਰੀ ਗੁਰੂ ਨਾਨਕ …