ਸੁੱਖ ਸ਼ਾਂਤੀ ਲਈ ਮੁਹੱਲਾ ਵਾਸੀਆਂ ਨੇ ਕਰਵਾਇਆ ਜਗਰਾਤਾ

ਬਠਿੰਡਾ, 1 ਜੂਨ (ਜਸਵਿੰਦਰ ਸਿੰਘ ਜੱਸੀ, ਅਵਤਾਰ ਸਿੰਘ ਕੈਂਥ) – ਮਾਡਲ ਟਾਊਨ ਸਥਿਤ ਈ.ਡਬਲਿਊ.ਐਸ ਅਤੇ ਐਲਆਈ.ਜੀ ਮਕਾਨਾਂ ਦੇ ਵਸਨੀਕ ਸਮੂਹ ਮੁਹੱਲਾ ਵਾਸੀਆਂ ਦੁਆਰਾ ਸੰਜੀਵ ਕੁਮਾਰ ਦੀ ਅਗਵਾਈ ਹੇਠ ਹਰ ਸਾਲ ਦੀ ਤਰ੍ਹਾਂ ਲਗਾਤਾਰ ਤੀਸਰੇ ਜਗਰਾਤੇ ਦਾ ਆਯੋਜਿਨ ਕੀਤਾ ਗਿਆ ਜਿਸ ਵਿੱਚ ਜੈ ਦੁਰਗਾ ਜਾਗਰਣ ਮੰਚ ਤੁੰਗਵਾਲੀ ਦੀ ਭਜਨ ਮੰਡਲੀ ਵੱਲੋਂ ਮਾਤਾ ਰਾਣੀ ਦਾ ਗੁਣਗਾਨ ਕੀਤਾ ਗਿਆ।ਇਸ ਸਮਾਰੋਹ ਦੌਰਾਨ ਵਾਰਡ ਨੰਬਰ 11 ਦੇ ਕੌਂਸਲਰ ਹਰਜਿੰਦਰ ਸਿੰਘ ਛਿੰਦਾ ਅਤੇ ਵਾਰਡ ਇੰਚਾਰਜ਼ ਐਡਵੋਕੇਟ ਮੋਹਨਜੀਤ ਸਿੰਘ ਪੁਰੀ ਵਿਸ਼ੇਸ਼ ਤੌਰ ‘ਤੇ ਸ਼ਾਮਲ ਹੋਏ ਤੇ ਮੁਹੱਲਾ ਵਾਸੀਆਂ ਵੱਲੋਂ ਉਨ੍ਹਾਂ ਦਾ ਯੋਗ ਸਨਮਾਨ ਕੀਤਾ ਗਿਆ। ਇਸ ਸਮਾਗਮ ਦੌਰਾਨ ਮਾਤਾ ਦੇ ਭੰਡਾਰੇ ਵਿੱਚ ਸਮੂਹ ਮੁਹੱਲਾ ਵਾਸੀਆਂ ਵੱਲੋਂ ਵੱਧ ਚੜ੍ਹ ਕੇ ਯੋਗਦਾਨ ਪਾਇਆ ਗਿਆ ਅਤੇ ਨੌਜਵਾਨਾਂ ਦੁਆਰਾ ਅਣਥੱਕ ਸੇਵਾ ਕੀਤੀ ਗਈ। ਸਵੇਰ ਤੱਕ ਚੱਲੇ ਜਗਰਾਤੇ ਦੌਰਾਨ ਮਾਤਾ ਦੀਆਂ ਭੇਟਾਵਾਂ ਤੋਂ ਇਲਾਵਾ ਝਾਕੀਆਂ ਵੀ ਕੱਢੀਆਂ ਗਈਆਂ ਜਿਨ੍ਹਾਂ ਦਾ ਬੱਚਿਆਂ, ਨੌਜਵਾਨਾਂ ਅਤੇ ਮੁਹੱਲਾ ਨਿਵਾਸੀਆਂ ਨੇ ਖੂਬ ਅਨੰਦ ਮਾਣਿਆ।