ਵਾਰਡ 25 ਦੇ ਖਸਤਾ ਹਾਲਾਤ ਬਾਜਾਰ ਤੋਂ ਦੁੱਖੀ ਹੋਏ ਇਲਾਕਾ ਨਿਵਾਸੀ

ਪਾਈਪਾਂ ਦਾ ਕੰਮ ਪੂਰਾ ਹੋਣ ‘ਤੇ ਵਧੀਆ ਸੜਕਾਂ ਬਣਵਾ ਕੇ ਮੁਸ਼ਕਲਾਂ ਹੱਲ ਕਰਾਂਗੇ- ਕੌਂਸਲਰ

ਅੰਮ੍ਰਿਤਸਰ, 25 ਜੁਲਾਈ (ਗੁਰਚਰਨ ਸਿੰਘ)- ਗੁਰੂ ਨਗਰੀ ਦੇ ਅੰਦਰੂਨੀ ਖੇਤਰ ਦੇ ਇਲਾਕੇ ਕਟੜਾ ਆਹਲੂਵਾਲੀਆ ਦੇ ਮੇਨ ਬਾਜਾਰ ਦੀ ਖਸਤਾ ਹਾਲਾਤ ਤੋਂ ਪਰੇਸ਼ਾਨ ਇਲਾਕਾ ਨਿਵਾਸੀਆਂ ਵਿੱਚ ਕਾਫੀ ਰੋਸ ਪਾਇਆ ਜਾ ਰਿਹਾ ਹੈ।ਇਲਾਕਾ ਨਿਵਾਸੀਆਂ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਇੰਜੀਨਿਅਰ ਜਗੀਰ ਸਿੰਘ, ਗੋਪਾਲ ਕ੍ਰਿਸ਼ਨ ਆਦਿ ਨੇ ਦੱਸਿਆ ਕਿ ਇਸ ਬਾਜਾਰ ਵਿਚ ਹੋਟਲ ਅਤੇ ਵੱਡੇ-ਵੱਡੇ ਵਪਾਰੀਆਂ ਦੇ ਕਾਰੋਬਾਰ ਹਨ।ਜਿਸ ਕਾਰਨ ਬਾਜਾਰ ਵਿਚ ਲੋਕਾਂ ਦਾ ਆਉਣਾ ਜਾਣਾ ਰਹਿੰਦਾ ਹੈ, ਪਰ ਬਾਜਾਰ ਦੀ ਖਸਤਾ ਹਾਲਾਤ ਕਾਰਨ ਉਨਾਂ ਨੂੰ ਕਾਫੀ ਮੁਸ਼ਕਿਲ ਦਾ ਸਾਮਹਣਾ ਕਰਨਾ ਪੈਦਾ ਹੈ ਅਤੇ ਹਮੇਸ਼ਾਂ ਟਰੈਫਿਕ ਜਾਮ ਦੀ ਸੱਮਸਿਆ ਬਣੀ ਰਹਿੰਦੀ ਹੈ।ਉਨਾਂ ਦੱਸਿਆ ਕਿ ਜਦੋ ਬਾਰਿਸ਼ ਆਉਂਦੀ ਹੈ ਤਾਂ ਚਿੱਕੜ ਦੀ ਤਿਲਕਣ ਹੋਣ ਕਾਰਨ ਇਥੋ ਪੈਂਦਲ ਲੰਘਣਾ ਵੀ ਔਖਾ ਹੁੰਦਾ ਹੈ ।ਉਹਨਾਂ ਕਿਹਾ ਕਿ ਪ੍ਰਸ਼ਾਸਨ ਜਲਦੀ ਤੋਂ ਮੰਗ ਕੀਤੀ ਕਿ ਇਸ ਸੱਮਸਿਆ ਨੂੰ ਜਲਦੀ ਹੱਲ ਕੀਤਾ ਜਾਵੇੇ ।ਇਸ ਮੌਕੇ ਪ੍ਰਵੀਨ ਕੁਮਾਰ, ਰਾਕੇਸ਼ ਡੌਗਰਾ ਤੌ ਇਲਾਵਾ ਹੋਰ ਵੀ ਇਲਾਕਾ ਨਿਵਾਸੀ ਅਤੇ ਦੁਕਾਨਦਾਰ ਹਾਜ਼ਰ ਸਨ ।
ਕੀ ਕਹਿੰਦੇ ਹਨ ਕੌਸਲਰ ਜਰਨੈਲ ਸਿੰਘ ਢੌਟ
ਵਾਰਡ 25 ਦੇ ਕੌਸਲਰ ਜਰਨੈਲ ਸਿੰਘ ਢੌਟ ਨਾਲ ਜਦੋ ਫੋਨ ਕਰਕੇ ਸਪੰਰਕ ਕੀਤਾ ਤਾਂ ਉਹਨਾਂ ਕਿਹਾ ਕਿ ਇਲਾਕੇ ਵਿੱਚ ਪਾਣੀ ਦੀਆਂ ਪਾਇਪਾਂ ਪਾਈਆਂ ਜਾ ਰਹੀਆਂ ਹਨ, ਜਿਸ ਕਾਰਨ ਬਾਜਾਰ ਪੁੱਟੇ ਹੋਏ ਹਨ ।ਉਹਨਾਂ ਕਿਹਾ ਕੀ ਭਾਜਪਾ ਦੇ ਰਾਸ਼ਟਰੀ ਸੱਕਤਰ ਤਰੁਣ ਚੁੱਘ ਨਾਲ ਇਸ ਬਾਰੇ ਗੱਲ ਹੋ ਚੁੱਕੀ ਹੈ ਅਤੇ ਇਲਾਕੇ ਵਿਚ ਜਲਦੀ ਹੀ ਪਾਈਪਾਂ ਦਾ ਕੰਮ ਪੂਰਾ ਕਰਵਾ ਕੇ ਵਧੀਆ ਸੜਕਾਂ ਬਣਵਾ ਕੇ ਲੋਕਾਂ ਨੂੰ ਪੇਸ਼ ਆ ਰਹੀਆਂ ਮੁਸ਼ਕਲਾਂ ਹੱਲ ਕੀਤੀਆਂ ਜਾਣਗੀਆਂ।