ਮੰਤਰੀ ਜੋਸ਼ੀ ਨੇ ਕੀਤਾ ਵਾਰਡ ਨੰਬਰ 10 ਵਿੱਚ ਨਵੀਆਂ ਗਲੀਆਂ ਬਨਾਉਣ ਦੇ ਕੰਮ ਦਾ ਸ਼ੁੱਭਆਰੰਭ

ਅੰਮ੍ਰਿਤਸਰ, 18 ਅਗਸਤ (ਜਗਦੀਪ ਸਿੰਘ ਸੱਗੂ, ਗੁਰਚਰਨ ਸਿੰਘ) – ਸਥਾਨਕ ਸਰਕਾਰ ਡਾਕਟਰੀ ਸਿਖਿਆ ਅਤੇ ਖੋਜ ਮੰਤਰੀ ਪੰਜਾਬ ਸ਼੍ਰੀ ਅਨਿਲ ਜੋਸ਼ੀ ਨੇ ਵਾਰਡ ਨੰਬਰ 10 ਸਥਿਤ ਨਹਿਰੂ ਕਾਲੋਨੀ ਅਧੀਨ ਆਉਂਦੀਆਂ ਗਲੀਆਂ ਵਿਚ ਸੀ-ਸੀ ਫਲੋਰਿੰਗ ਦੇ ਕੰਮ ਦਾ ਸ਼ੁੱਭ ਆਰੰਭ ਕੀਤਾ।ਇਸ ਮੌਕੇ ਤੇ ਸ਼੍ਰੀ ਜੋਸ਼ੀ ਨੇ ਇਲਾਕਾ ਨਿਵਾਸੀਆਂ ਕੋਲੋ ਟੱਕ ਲਗਵਾ ਕੇ ਇਹਨਾਂ ਵਿਕਾਸ ਦੇ ਕੰਮਾਂ ਦਾ ਸ਼ੁਭ ਆਰੰਭ ਕੀਤਾ ਅਤੇ ਇਲਾਕਾ ਨਿਵਾਸੀਆਂ ਨੂੰ ਅਪੀਲ ਕੀਤੀ ਕਿ ਉਹ ਆਪਣੇ ਇਲਾਕੇ ਅਤੇ ਆਪਣੇ ਸ਼ਹਿਰ ਦਾ ਵੀ ਆਪਣੇ ਘਰ ਵਾਂਗ ਹੀ ਖਿਆਲ ਰੱਖਿਆ ਕਰਨ ਕਿਉਕਿ ਜਦੋਂ ਤੱਕ ਲੋਕ ਸਾਥ ਨਹੀ ਦੇਣਗੇ ਉਦੋ ਤੱਕ ਸਰਕਾਰ ਵੱਲੋਂ ਕਰਵਾਏ ਗਏ ਵਿਕਾਸ ਦੇ ਕੰਮ ਅਧੂਰੇ ਹਨ।ਉਹਨਾਂ ਕਿਹਾ ਕਿ ਵਾਰਡ ਦੇ ਲੋਕਾਂ ਨੂੰ ਆ ਰਹੀ ਪਾਣੀ ਦੀ ਕਮੀਂ ਦੀ ਸਮਸਿਆ ਨੂੰ ਹੱਲ ਕਰਨ ਲਈ ਦੋ ਨਵੇਂ ਟਿਊਬਵੈਲ ਲਗਵਾਏ ਗਏ ਹਨ ।ਬੀ. ਪੀ. ਐਲ. ਕਾਰਡ ਧਾਰਕਾਂ ਲਈ 2 ਰੁਪਏ ਪ੍ਰਤੀ ਕਿਲੋ ਦੇ ਹਿਸਾਬ ਨਾਲ ਕਣਕ ਦਿੱਤੀ ਜਾ ਰਹੀ ਹੈ ।ਮਜੀਠਾ ਰੋਡ ਅਤੇ 88 ਫੁੱਟ ਰੋਡ ਦਾ ਨਵੀਨੀਕਰਨ ਕਰਕੇ ਜੋ ਵਿਸ਼ਵ ਪੱਧਰੀ ਸੜ੍ਹਕਾਂ ਬਣਾਈਆਂ ਗਈਆਂ ਹਨ।
ਇਸ ਮੋਕੇ ਤੇ ਸ਼੍ਰੀ ਵਿੱਕੀ ਐਰੀ, ਮਿੱਕੀ ਹਾਂਡਾ, ਯੱਸ਼ ਪ੍ਰਧਾਨ, ਜਗਜੀਤ ਸਿੰਘ ਖਾਲਸਾ, ਅਭਿਨਵ, ਕੁਕੀ ਮਹਾਜਨ, ਆਰ. ਐਲ. ਕੱਕੜ, ਪਵਿੰਦਰ ਸ਼ਰਮਾ, ਹੈਪੀ ਚੱਕੀ ਵਾਲਾ, ਆਕਾਸ਼ ਸੇਠੀ, ਰੇਣੂ ਸ਼ਰਮਾ, ਵਿਜੇ ਕੁਮਾਰੀ, ਸਰਬਜੀਤ ਸਿੰਘ, ਕੁਲਦੀਪ ਲੱਡੂ, ਰਤਨ ਚੰਦ, ਸੰਜੀਵ ਡੱਬੂ, ਗਗਨਦੀਪ ਸ਼ਰਮਾ ਆਦਿ ਹਾਜਰ ਸਨ ।