ਸੱਚੀਆਂ ਮਾਈਆਂ ਮੋੜ ਤੋਂ ਅਣਪਛਾਤੀ ਲਾਸ਼ ਬਰਾਮਦ

ਚੌਂਕ ਮਹਿਤਾ, 10 ਅਕਤੂਬਰ (ਜੋਗਿੰਦਰ ਸਿੰਘ ਮਾਣਾ) – ਬੁੱਟਰ ਚੌਂਕੀ ਅਧੀਨ ਪੈਦੇਂ ਪਿੰਡ ਗੱਗੜਭਾਣਾ ਦੀ ਨਹਿਰ ਦੇ ਪੁੱਲ ਤੋ ਅੱਗੇ ਸੱਚੀਆਂ ਮਾਈਆਂ ਵਾਲੇ ਮੋੜ ਦੇ ਕੋਲ ਜਲੰਧਰ-ਬਟਾਲਾ ਰੋਡ ਤੇ ਰਾਣਾ ਸੂਗਰ ਮਿੱਲ ਵੱਲੋ ਬਣਾਈ ਗਈ ਫਸਟ ਏਡ ਪੋਸਟ ਦੇ ਅੰਦਰੋਂ ਇੱਕ ਆਦਮੀ ਦੀ ਅਣਪਛਾਤੀ ਲਾਸ਼ ਮਿਲਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।ਜਿਕਰਯੋਗ ਹੈ ਕਿ ਰਾਣਾ ਸ਼ੂਗਰ ਮਿੱਲ ਵੱਲੋ ਬਣਾਈ ਗਈ ਫਸਟ ਏਡ ਪੋਸਟ ਲੰਬੇ ਸਮੇਂ ਤੋ ਖਾਲੀ ਪਈ ਹੈ। ਬੁੱਟਰ ਚੌਂਕੀ ਦੇ ਇੰਚਾਰਜ ਏ.ਐਸ.ਆਈ ਰਜਿੰਦਰਪਾਲ ਸਿੰਘ ਨੇ ਦੱਸਿਆ ਕਿ ਮਿਲੀ ਸੂਚਨਾ ਦੇ ਅਧਾਰ ਤੇ ਪੁਲਿਸ ਪਾਰਟੀ ਸਮੇਤ ਜਾ ਕੇ ਦੇਖਿਆ ਤਾਂ ਇੱਕ 45 ਤੋ 50 ਸਾਲ ਦੀ ਉਮਰ ਦੇ ਮੋਨੇ ਆਦਮੀ ਦੀ ਲਾਸ਼ ਪਈ ਹੋਈ ਸੀ।ਮ੍ਰਿਤਕ ਨੇ ਚਿੱਟੇ ਰੰਗ ਦਾ ਪਜਾਮਾਂ ਅਤੇ ਧਾਰੀਦਾਰ ਕਮੀਜ਼ ਪਾਈ ਹੋਈ ਸੀ।ਜਿਸ ਦੀ ਮੌਕੇ ਤੇ ਸ਼ਨਾਖਤ ਨਹੀ ਹੋ ਸਕੀ ਪੁਲਿਸ ਨੇ 174 ਦੀ ਕਾਰਵਾਈ ਕਰਦਿਆਂ ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ।