ਪੰਜਾਬ ਸਰਕਾਰ ਵੱਲੋਂ ਅਧਿਆਪਕਾਂ ਦੀ ਤਰੱਕੀਆਂ ‘ਤੇ ਰੋਕ ਜਾਰੀ – ਲਹੌਰੀਆ

ਜੰਡਿਆਲਾ ਗੁਰੂ, 14 ਜਨਵਰੀ (ਹਰਿੰਦਰਪਾਲ ਸਿੰਘ)- ਐਲੀਮੈਂਟਰੀ ਟੀਚਰਜ ਯੁਨੀਅਨ ਪੰਜਾਬ ਦੇ ਸੁਬਾਈ ਪ੍ਰੈਸ ਸਕੱਤਰ ਦਲਜੀਤ ਸਿੰਘ ਲਹੌਰੀਆ ਨੇ ਜਾਰੀ ਬਿਆਨ ‘ਚ ਦੱਸਿਆ ਕਿ ਪਿਛਲੇ 2 ਸਾਲਾਂ ਤੋ ਸਰਕਾਰ ਦੇ ਸਿਖਿਆ ਵਿਭਾਗ ਨੇ ਏ.ਸੀ.ਪੀ ਕੇਸ ਬੰਦ ਕੀਤੇ ਹੋਏ ਹਨ,ਇਹਨਾ ਕੇਸਾਂ ਵਿੱਚ ਮੁਲਾਜਮਾਂ ਨੂੰ 4 ਸਾਲ,9 ਸਾਲ ਅਤੇ 14 ਸਾਲਾਂ ਦੀ ਨੌਕਰੀ ਦੋਰਾਨ ਤਰੱਕੀਆਂ ਮਿਲਦੀਆਂ ਹਨ ਪ੍ਰੰਤੂ ਸਿਖਿਆ ਵਿਭਾਗ ਨੇ ਇਹਨਾ ਕੇਸਾਂ ਤੇ ਰੋਕ ਲਗਾਈ ਹੋਈ ਹੈ।ਲਹੌਰੀਆ ਨੇ ਅੱਗੇ ਦੱਸਿਆ ਕਿ ਸਰਕਾਰ ਨੇ ਰਾਈਟ ਆਫ ਐਜੂਕੇਸ਼ਨ ਕਨੂੰਨ ਬਣਾ ਕੇ ਅਧਿਆਪਕਾਂ ਦੀਆਂ ਐਚ.ਟੀ.ਸੀ, ਸੀ. ਐਚ.ਟੀ ਤੇ ਬੀ.ਈ.ਈ.ਓਜ ਦੀਆਂ ਤਰੱਕੀਆਂ ਬਿੱਲਕੁਲ ਖਤਮ ਕਰ ਦਿੱਤੀਆਂ ਹਨ।ਇਸ ਨੂੰ ਤਹਿਤ 150 ਵਿਦਿਆਰਥੀਆਂ ਵਾਲੇ ਸਕੂਲ ਵਿੱਚ ਐਚ ਟੀ ਦੀ ਪੋਸਟ ਤੇ 15 ਤੋ 20 ਸਕੂਲਾਂ ਤੇ ਐਚ ਟੀ ਦੀ ਪੋਸਟ ਹੋਵੇਗੀ ਪਰ ਅੱਜ ਕੱਲ ਦੇ ਯੁਗ ਵਿੱਚ 150 ਬੱਚੇ ਕਿਸੇ ਹੀ ਸਕੂਲ ਵਿੱਚ ਮਿਲਣਗੇ।ਉਹਨਾ ਕਿਹਾ ਕਿ ਨਾ ਇੰਨੇ ਬੱਚੇ ਕਿਸੇ ਸਕੂਲ ਵਿੱਚ ਹੋਣ ਤੇ ਨਾ ਕਿਸੇ ਨੂੰ ਪ੍ਰਮੋਸ਼ਨ ਮਿਲੇ।ਉਹਨਾ ਸਰਕਾਰ ਤੇ ਜੋਰ ਦਿਦਿੰਆ ਕਿਹਾ ਕਿ ਇਸ ਕਨੂੰਨ ਵਿੱਚ ਸੋਧ ਕੀਤੀ ਜਾਵੇ ਤਾਂ ਜੋ ਅਧਿਆਪਕਾਂ ਦੀਆਂ ਰੁਕੀਆਂ ਤਰੱਕੀਆ ਬਹਾਲ ਹੋ ਸਕਣ ਤੇ ਏ ਸੀ ਪੀ ਤਰੱਕੀਆਂ ਵੀ ਚਾਲੂ ਕਰਨ ਦੀ ਮੰਗ ਕੀਤੀ।ਇਸ ਮੌਕੇ ਸੁਰਿੰਦਰ ਸਿੰਘ ਬਾਠ, ਹਰਮਿੰਦਰ ਸਿੰਘ ਕੰਗ, ਮਨਜੀਤ ਸਿੰਘ ਰਟੌਲ, ਸਰਬਜੀਤ ਸਿੰਘ ਮਾਂਗਟ, ਹਰਜੀਤ ਸਿੰਘ ਗੁਰੂ, ਮਲਕੀਤ ਸਿੰਘ ਬੋਪਾਰਾਏ ਆਦਿ ਅਧਿਆਪਕ ਆਗੂ ਲਹੌਰੀਆ ਦੇ ਨਾਲ ਸਨ।