ਸਰਬੱਤ ਦਾ ਭਲਾ ਟਰੱਸਟ ਵਲੋਂ ਬ੍ਰਿਧ ਆਸ਼ਰਮ ਵਿਚ ਬ੍ਰਿਧ ਔਰਤਾਂ ਦੀ ਮਾਲੀ ਸਹਾਇਤਾ

ਬਠਿੰਡਾ, 29 ਜੂਨ (ਜਸਵਿੰਦਰ ਸਿੰਘ ਜੱਸੀ, ਅਵਤਾਰ ਸਿੰਘ ਕੈਂਥ) – ਸਥਾਨਕ ਸਰਬੱਤ ਦਾ ਭਲਾ ਚੈਰੀਟੇਬਲ ਟਰੱਸਟ ਦੀ ਇਕਾਈ ਬਠਿੰਡਾ ਵਲੋਂ ਡਾ: ਕਸ਼ਿਸ਼ ਗੁਪਤਾ ਦੀ ਅਗਵਾਈ ਵਿਚ ਅਮਰੀਕ ਸਿੰਘ ਰੋਡ ਸਥਿਤ ਬ੍ਰਿਧ ਆਸਰਮ ਵਿਖੇ ਬ੍ਰਿਧ ਔਰਤਾਂ ਨੂੰ 500-500 ਰੁਪਏ ਦੀ ਨਕਦ ਮਾਲੀ ਸਹਾਇਤਾ ਕੀਤੀ ਗਈ, ਜੋ ਕਿ ਹਰ ਮਹੀਨੇ ਦਿੱਤੀ ਜਾਇਆ ਕਰੇਗੀ।ਇਸ ਮੌਕੇ ਬ੍ਰਿਧ ਆਸ਼ਰਮ ਦੇ ਜਨਰਲ ਸਕੱਤਰ ਕੈਲਾਸ਼ ਚੰਦਰ ਨੇ ਸਰਬੱਤ ਦੇ ਭਲੇ ਦੇ ਚੇਅਰਮੇਨ ਡਾ: ਐਸ.ਪੀ. ਸਿੰਘ ਉਬਰਾਏ ਅਤੇ ਸਮੂਹ ਟੀਮ ਦੇ ਕੰਮ ਦਾ ਸ਼ਲਾਘਾ ਕਰਦਿਆਂ ਧੰਨਵਾਦ ਕੀਤਾ।ਇੰਸ ਮੌਕੇ ਸਰਬੱਤ ਦਾ ਭਲਾ ਚੈਰੀਟੇਬਲ ਟਰੱਸਟ ਦੇ ਜਨਰਲ ਸਕੱਤਰ, ਹਵਿੰਦਰਪਾਲ ਸਿੰਘ ਧਵਨ ਅਤੇ ਹਰਜੀਤ ਸਿੰਘ ਮਰਵਾਹਾ ਹਾਜ਼ਰ ਸਨ।