ਪੀੜਤ ਵਲੋਂ ਸਮਾਜ ਸੇਵੀ ਸੰਸਾਥਾਵਾਂ ਨੂੰ ਮਦਦ ਦੀ ਗੁਹਾਰ

ਚੌਂਕ ਮਹਿਤਾ, 3 ਅਗਸਤ (ਜੋਗਿੰਦਰ ਸਿੰਘ ਮਾਣਾ) – ਨੇਕ ਦਿਲ ਇਨਸਾਨ ਪ੍ਰਮਜੀਤ ਸਿੰਘ ਪੁੱਤਰ ਧਰਮ ਸਿੰਘ ਵਾਸੀ ਪਿੰਡ ਭਲੋਜਲਾ ਨੂੰ ਅਜਿਹੀ ਦਿਲ ਦੀ ਵਾਲ ਦੀ ਬਿਮਾਰੀ ਨੇ ਆਪਣੀ ਜਕੜਣ ਵਿੱਚ ਲੈ ਲਿਆ ਹੈ, ਜਿਸ ਦਾ ਇਲਾਜ ਕਰਾਉਣ ਤੋ ਉਹ ਅਸਮੱਰਥ ਹੈ।ਮਿਲੀ ਜਾਣਕਾਰੀ ਅਨੁਸਾਰ ਇੱਕ ਏਕੜ ਦਾ ਮਾਲਕ ਇਹ ਗਰੀਬ ਕਿਸਾਨ ਆਪਣੀ ਸਾਰੀ ਜਮੀਨ ਵੇਚ ਕੇ ਇੱਕ ਵਾਰ ਆਪਣਾ ਇਲਾਜ ਕਰਵਾ ਚੁੱਕਾ ਹੈ।ਪਰ ਦਿਲ ਦੇ ਵਾਲ ਦੀ ਬਿਮਾਰੀ ਨੇ ਉਸ ਨੂੰ ਫੇਰ ਘੇਰ ਲਿਆ ਹੈ।ਜਿਸ ਨੂੰ ਡਾਕਟਰਾਂ ਨੇ ਤੁਰੁੰਤ ਇਲਾਜ਼ ਕਰਾਉਣ ਦੀ ਸਲਾਹ ਦਿਤੀ ਹੈ।ਲੇਕਿਨ ਇਲਾਜ ਕਰਾਉਣ ਲਈ ਲੋੜੀਂਦੇ ਪੈਸੇ ਨਾ ਹੋਣ ਕਰਕੇ ਉਸ ਨੇ ਨੇਕ ਦਿਲ ਰੂਹਾਂ ਤੇ ਸਮਾਜ ਸੇਵੀ ਸੰਸਥਾਵਾਂ ਨੂੰ ਅਪੀਲ ਹੈ ਕਿ ਉਸ ਦੀ ਵੱਧ ਤੋਂ ਵੱਧ ਮਾਈਕ ਸਹਾਇਤਾ ਕੀਤੀ ਜਾਵੇ।