ਬਿਜਲੀ ਵਿਭਾਗ ਦੀ ਅਣਗਹਿਲੀ ਨਾਲ ਹੋ ਸਕਦੈ ਬਹੁਤ ਵੱਡਾ ਹਾਦਸਾ

ਪੱਟੀ, 28 ਜੂਨ (ਰਣਜੀਤ ਸਿੰਘ ਮਾਹਲਾ, ਅਵਤਾਰ ਸਿੰਘ ਢਿੱਲੋ) – ਪੱਟੀ ਤੋ ਕੋਟ ਬੱਢਾ ਰੋਡ ਤੇ ਪਿੰਡ ਦੁੱਬਲੀ ਵਿਖੇ 66 ਕੇ.ਵੀ ਦਾ ਖੰਭਾ ਜੋ ਕਿ ਇੱਕ ਲੱਤ ਤੇ ਖੜਾ ਹੈ।ਜੋ ਕਿ ਕਿਸੇ ਵੇਲੇ ਵੀ ਕਿਸੇ ਬਹੁਤ ਵੱਡੇ ਹਾਦਸੇ ਦਾ ਕਾਰਣ ਬਣ ਸਕਦਾ ਹੈ। ਇਸ ਸਬੰਧੀ ਪਿੰਡ ਵਾਸੀਆਂ ਨੇ ਜਦੋ ਪੱਤਰਕਾਰਾਂ ਨਾਲ ਗੱੱਲਬਾਤ ਕਰਦਿਆਂ ਕਿਹਾ ਕਿ ਇਹ ਖੰਭਾ ਕਾਫੀ ਚਿਰ ਤੋ ਇਦਾਂ ਹੀ ਹੈ, ਉਨਾਂ ਨੇ ਬਿਜਲੀ ਬੋਰਡ ਦੇ ਅਧਿਕਾਰੀਆਂ ਨੂੰ ਬਹੁਤ ਵਾਰ ਸ਼ਿਕਾਇਤ ਕੀਤੀ ਹੈ, ਪਰ ਉਹ ਆਉਦੇ ਹਨ ‘ਤੇ ਵੇਖ ਕੇ ਚਲੇ ਜਾਦੇ ਹਨ। ਪਰ ਕੋਈ ਵੀ ਕਾਰਵਾਈ ਨਹੀ ਕਰਦੇ ।ਪਿੰਡ ਵਾਸੀਆਂ ਨੇ ਦੱਸਿਆ ਕਿ ਜਦੋ ਹਨੇਰੀ ਆਉਦੀ ਹੈ ਤੇ ਇਸ ਦੇ ਟੁੱਟਣ ਦਾ ਖਤਰਾ ਬਹੁਤ ਜਿਆਦਾ ਬਣਿਆ ਰਹਿੰਦਾ ਹੈ।ਪਿੰਡ ਵਾਲਿਆ ਨੇ ਪ੍ਰਸਾਸਣ ਤੋ ਮੰਗ ਕੀਤੀ ਹੈ ਕਿ ਖੰਭੇ ਨੂੰ ਜਲਦੀ ਤੋ ਜਲਦੀ ਬਦਲਿਆਂ ਜਾਵੇ।ਜਦੋ ਪੱਤਰਕਾਰਾ ਨੇ ਬਿਜਲੀ ਬੋਰਡ ਦੇ ਅਧਿਕਾਰੀਆਂ ਨਾਲ ਗੱਲ ਕਰਨ ਦੀ ਕੋਸ਼ਿਸ਼ ਕੀਤੀ ਤੇ ਉਹਨਾ ਨਾਲ ਰਾਬਤਾ ਨਹੀ ਹੋ ਸਕਿਆ।