ਨੀਟ ਸਿਲੇਬਸ ਨੂੰ ਤਬਦੀਲ ਨਹੀਂ ਕੀਤਾ ਜਾਵੇਗਾ – ਸੀ.ਬੀ.ਐਸ.ਈ ਦਾ ਐਲਾਨ

ਮਲੋਟ, 20 ਜਨਵਰੀ (ਪੰਜਾਬ ਪੋਸਟ- ਗਰਗ) – “ਐਨ.ਈ.ਈ.ਟੀ (ਯੂ.ਜੀ) 2018 ਦੇ ਸਿਲੇਬਸ ਵਿੱਚ ਕੋਈ ਬਦਲਾਅ ਨਹੀਂ ਹੋਇਆ, ਬਲਕਿ ਇਹ ਬਿਲਕੁੱਲ ਨੀਟ (ਯੂ.ਜੀ) 2017 ਵਰਗਾ ਹੋਵੇਗਾ।ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪ੍ਰਿੰਸੀਪਲ ਵਿਜੇ ਗਰਗ ਨੇ ਦੱਸਿਆ ਹੈ ਕਿ ਏਮਜ਼ ਅਤੇ ਜੇ.ਪੀ.ਐਮ.ਆਰ ਤੋਂ ਇਲਾਵਾ ਹੋਰ ਸਾਰੀਆਂ ਡਾਕਟਰੀ ਦਾਖਲਾ ਪ੍ਰੀਖਿਆ ਐਨ.ਈ.ਈ.ਟੀ ਵਲੋਂ ਤਬਦੀਲ ਕਰ ਦਿੱਤੀ ਗਈ ਹੈ।ਕੀਤੇ ਗਏ ਐਲਾਨ ਮੁਤਾਬਿਕ ਦੇਸ਼ ਦੇ ਵੱਖ-ਵੱਖ ਰਾਜਾਂ ਦੇ ਵਿਦਿਆਰਥੀਆਂ ਨੂੰ ਹੁਣ ਸੀ.ਬੀ.ਐਸ.ਈ ਦੇ ਸਿਲੇਬਸ ਦੇ ਅਨੁਸਾਰ ਪ੍ਰੀਖਿਆ ਦੀ ਤਿਆਰੀ ਕਰਨੀ ਪਵੇਗੀ, ਜੋ ਕਿ ਐਨ.ਈ.ਈ.ਟੀ ਪ੍ਰਸ਼ਨ ਪੇਪਰ ਦਾ ਆਧਾਰ ਹੈ।ਹੁਣ ਤਕ ਐਨ.ਈ.ਈ.ਟੀ ਪ੍ਰੀਖਿਆ ਦਾ ਸਿਲੇਬਸ ਭਾਰਤ ਦੀ ਮੈਡੀਕਲ ਕੌਂਸਲ (ਐਮ.ਸੀ.ਆਈ) ਦੁਆਰਾ ਸਿਫਾਰਸ਼ ਕੀਤਾ ਗਿਆ ਹੈ ਅਤੇ ਵੱਖ-ਵੱਖ ਰਾਜਾਂ ਦੇ ਸਿਲੇਬਸ ਅਤੇ ਐਨ.ਸੀ.ਈ.ਆਰ.ਟੀ, ਸੀ.ਬੀ.ਐਸ.ਈ ਅਤੇ ਕੋਬਸੇ ਦੀ ਸਮੀਖਿਆ ਦੇ ਬਾਅਦ ਗਠਿਤ ਕੀਤਾ ਗਿਆ ਹੈ।ਇਹ ਭਾਰਤ ਦੇ ਮੁੱਖ ਡਾਕਟਰੀ ਦਾਖਲਾ ਪ੍ਰੀਖਿਆਵਾਂ ਵਿਚੋਂ ਕਿਸੇ ਇੱਕ ਲਈ ਸਿਲੇਬਸ ਦੀ ਚੋਣ ਵਿਚ ਦੇਸ਼ ਭਰ ਵਿੱਚ ਇਕਸਾਰਤਾ ਨੂੰ ਯਕੀਨੀ ਬਣਾਉਣ ਲਈ ਕੀਤਾ ਜਾਂਦਾ ਹੈ।