ਹਲਕਾ ਖਡੂਰ ਸਾਹਿਬ ਦੇ ਵੋਟਰ ਬੀਬੀ ਪਰਮਜੀਤ ਕੌਰ ਖਾਲੜਾ ਨੂੰ ਜਿਤਾਉਣ – ਮਿੰਟੂ ਮਾੜੀ ਮੇਘਾ

ਭਿੱਖੀਵਿੰਡ, 7 ਮਈ (ਪੰਜਾਬ ਪੋਸਟ – ਹਰਮੀਤ ਭੁੱਲਰ) – ਪੰਜਾਬੀ ਏਕਤਾ ਪਾਰਟੀ ਦੇ ਉਮੀਦਵਾਰ ਬੀਬੀ ਪਰਮਜੀਤ ਕੌਰ ਖਾਲੜਾ ਚੋਣ ਨਿਸ਼ਾਨ ਚਾਬੀ ਨਾਲ ਪੰਜਾਬ ਦੀ ਕਿਸਮਤ ਦੇ ਬੰਦ ਪਏ ਤਾਲੇ ਨੂੰ ਖੋਲ੍ਹਣਗੇ।ਇਹ ਦਾਅਵਾ ਕਰਦਿਆਂ ਤਿੰਦਰਪਾਲ ਸਿੰਘ ਮਿੰਟੂ ਮਾੜੀ ਮੇਘਾ ਸੂਬਾ ਯੂਥ ਮੀਤ ਪ੍ਰਧਾਨ ਨੇ ਕੀਤਾ।ਉਨਾਂ ਹਲਕਾ ਖਡੂਰ ਸਾਹਿਬ ਦੇ ਸਾਰੇ ਵੋਟਰਾਂ ਨੂੰ ਅਪੀਲ ਕੀਤੀ ਕਿ ਬੀਬੀ ਪਰਮਜੀਤ ਕੌਰ ਖਾਲੜਾ ਦੇ ਹੱਕ ਵਿੱਚ 19 ਮਈ ਨੂੰ ਚੋਣ ਨਿਸ਼ਾਨ ਚਾਬੀ ਦਾ ਬਟਨ ਦਬਾਉਣ ਤਾਂ ਜੋ ਨਵੇਂ ਪੰਜਾਬ ਦੀ ਸਿਰਜਣਾ ਕੀਤੀ ਜਾ ਸਕੇ।ਇਸ ਮੌਕੇ ਸਰਤਾਜ ਸਿੰਘ ਹਰੀਕੇ ਸਟੇਟ ਵਰਕਿੰਗ ਕਮੇਟੀ ਪ੍ਰਧਾਨ, ਜਿਲ੍ਹਾ ਕਿਸਾਨ ਵਿੰਗ ਪ੍ਰਧਾਨ ਜੁਗਰਾਜ ਸਿੰਘ ਮਾਛੀਕੇ ਆਦਿ ਵਰਕਰ ਹਾਜ਼ਰ ਸਨ।