ਰੱਬ ਦੇ ਰੰਗ (ਕੋਰੋਨਾ ਕਵਿਤਾ)

ਕਿਹੋ ਜਿਹੇ ਤੇਰੇ ਰੰਗ ਨੇ ਰੱਬਾ।
ਰਹਿ ਗਏ ਸਾਰੇ ਦੰਗ ਨੇ ਰੱਬਾ।
ਬਾਸਮਤੀ ਤੇ ਝੋਨੇ ਵਾਂਗੂੰ,
ਦਿੱਤੇ ਸਾਰੇ ਝੰਬ ਨੇ ਰੱਬਾ।

ਕਈ ਸੀ ਡੰਗੋ ਡੰਗੀ ਖਾਂਦੇ,
ਕਿਉਂ ਕੁਤਰੇ ਖੰਭ ਨੇ ਰੱਬਾ?
ਨਜ਼ਰ ਸਵੱਲੀ ਕਰ ਦਿਓ ਸਭ `ਤੇ,
ਸਾਰੇ ਗਏ ਹੰਭ ਨੇ ਰੱਬਾ।

ਆਈਸੋਲੇਸ਼ਨ ਵਾਰਡ ਬਣ ਗਿਆ!
ਰੇਲ ਗੱਡੀ ਦਾ ਡੱਬਾ ਰੱਬਾ।
ਕਿੱਥੇ ਚਲੀ ਗਈ ਇਨਸਾਨੀਅਤ,
ਲੱਗਦਾ ਜਾਂਦੈ ਧੱਬਾ ਰੱਬਾ।
ਦਿਨ ਰਾਤ ਵਿਗਿਆਨੀ ਲੱਗੇ,
ਹੱਲ਼ ਕੋਈ, ਲੱਭਾ ਹੈ ਰੱਬਾ?

ਹੁਣ ਮਿਹਰ ਕਰੋ ਸੰਸਾਰ `ਤੇ ਰੱਬਾ।
ਤੁਸੀਂ ਮਿਹਰ ਕਰੋ ਸੰਸਾਰ `ਤੇ ਰੱਬਾ।

ਸੁਖਬੀਰ ਸਿੰਘ ਖੁਰਮਣੀਆਂ
ਅੰਮ੍ਰਿਤਸਰ।
ਮੋ – 98555 12677