‘ਅਟਾਰੀ ਜੰਕਸ਼ਨ – ਇੱਕ 161 ਸਾਲ ਪੁਰਾਣਾ ਇਤਿਹਾਸਕ ਰੇਲਵੇ ਸਟੇਸ਼ਨ ਦੀ ਸ਼ੁਰੂ ਕਰਵਾਈ ਸ਼ੂਟਿੰਗ

ਅੰਮ੍ਰਿਤਸਰ, 15 ਜੂਨ (ਸੁਖਬੀਰ ਸਿੰਘ) – ‘ਅਟਾਰੀ ਜੰਕਸ਼ਨ – ਇੱਕ 161 ਸਾਲ ਪੁਰਾਣਾ ਇਤਿਹਾਸਕ ਰੇਲਵੇ ਸਟੇਸ਼ਨ’ ਸਿਰਲੇਖ ਵਾਲੀ ਆਗਾਮੀ ਦਸਤਾਵੇਜ਼ੀ ਫਿਲਮ ਦੀ ਸ਼ੂਟਿੰਗ ਅਟਾਰੀ ਰੇਲਵੇ ਸਟੇਸ਼ਨ ਅੰਮ੍ਰਿਤਸਰ ਵਿਖੇ ਡਿਪਟੀ ਕਮਿਸ਼ਨਰ ਅਮਿਤ ਤਲਵਾੜ ਵਲੋਂ ਸ਼ਾਟ ਦੇ ਕੇ ਸ਼ੁਰੂ ਕਰਵਾਈ ਗਈ।ਇਹ ਲਘੂ ਫਿਲਮ ਇਸ 161 ਸਾਲ ਪੁਰਾਣੇ ਅਟਾਰੀ ਰੇਲਵੇ ਸਟੇਸ਼ਨ ਦੀ ਇਤਿਹਾਸਕ ਅਮੀਰ ਆਰਕੀਟੈਕਚਰ ਨੂੰ ਦਰਸਾਏਗੀ।ਇੰਡੋ-ਇਸਲਾਮਿਕ ਅਤੇ ਵਿਕਟੋਰੀਅਨ ਆਰਕੀਟੈਕਚਰਲ ਸਟਾਈਲ, ਕਮਾਨ, ਅਤੇ ਸਜਾਵਟੀ ਚਿਹਰੇ ਪੁਰਾਣੇ ਯੁੱਗ ਦੇ ਆਰਕੀਟੈਕਚਰਲ ਅਜ਼ੂਬੇ ਦੀ ਸ਼ਾਨਦਾਰਤਾ ਨੂੰ ਦਰਸਾਉਂਦੇ ਹਨ ਅਤੇ ਕਿਸੇ ਵੀ ਵਿਰਾਸਤੀ ਦਸਤਾਵੇਜ਼ੀ ਫਿਲਮਾਂ ਵਿੱਚ ਘੱਟ ਹੀ ਉਜ਼ਾਗਰ ਕੀਤਾ ਗਿਆ ਹੈ।ਸੇਵਾ ਸੰਕਲਪ ਸੁਸਾਇਟੀ ਦੀ ਸਰਪ੍ਰਸਤੀ ਹੇਠ ਬਣੀ ਇਸ ਦਸਤਾਵੇਜ਼ੀ ਫਿਲਮ ਦਾ ਨਿਰਦੇਸ਼ਨ ਪੰਜਾਬ ਦੇ ਉਘੇ ਲੇਖਕ, ਹੈਰੀਟੇਜ਼ ਪ੍ਰਮੋਟਰ ਅਤੇ ਨੇਚਰ ਆਰਟਿਸਟ ਹਰਪ੍ਰੀਤ ਸੰਧੂ ਵੱਲੋਂ ਕੀਤਾ ਜਾ ਰਿਹਾ ਹੈ ਅਤੇ ਇਸ ਦਸਤਾਵੇਜ਼ੀ ਫਿਲਮ ਦੀ ਸਕ੍ਰਿਪਟ ਅਤੁਲ ਟਿਰਕੀ, ਆਈ.ਆਰ,ਐਸ ਡਿਪਟੀ ਕਮਿਸ਼ਨਰ ਕਸਟਮ ਅਟਾਰੀ ਦੁਆਰਾ ਲਿਖੀ ਗਈ ਹੈ ਅਤੇ ਇਸ ਦੇ ਬੋਲ ਪ੍ਰਸਿੱਧ ਕਵੀ ਪਦਮ ਸ਼੍ਰੀ ਡਾ. ਸੁਰਜੀਤ ਪਾਤਰ ਵਲੋਂ ਲਿਖੇ ਗਏ ਹਨ।
ਸ਼ੂਟਿੰਗ ਸ਼ੁਰੂ ਹੋਣ ਸਮੇਂ ਮੈਂਬਰ ਪਾਰਲੀਮੈਂਟ ਅੰਮਿ੍ਰਤਸਰ ਗੁਰਜੀਤ ਸਿੰਘ ਔਜਲਾ, ਐਡੀਸ਼ਨਲ ਕਮਿਸ਼ਨਰ ਕਸਟਮ ਜੋਗਿੰਦਰ ਸਿੰਘ, ਆਈ.ਆਰ.ਐਸ, ਜੇ.ਟੀ ਅਟਾਰੀ ਰੇਲਵੇ ਸਟੇਸ਼ਨ ਵਿਖੇ ਕਮਿਸ਼ਨਰ ਕਸਟਮ ਨਵਨੀਤ ਕੌਸ਼ਲ ਆਈ.ਆਰ.ਐਸ, ਡਿਪਟੀ ਕਮਿਸ਼ਨਰ ਕਸਟਮ ਅਤੁਲ ਟਿਰਕੀ, ਆਈ.ਆਰ.ਐਸ., ਡਾਇਰੈਕਟਰ ਏ.ਆਈ.ਪੀ.ਐਲ ਸ਼ਮਸ਼ੀਰ ਸਿੰਘ ਅਤੇ ਹੋਰ ਲੈਂਡ ਕਸਟਮ ਅਧਿਕਾਰੀ ਹਾਜ਼ਰ ਸਨ।ਫਿਲਮ ਦੇ ਨਿਰਦੇਸ਼ਕ ਹਰਪ੍ਰੀਤ ਸੰਧੂ ਅਤੇ ਡਿਪਟੀ ਕਮਿਸ਼ਨਰ ਕਸਟਮ ਅਤੁਲ ਟਿਰਕੀ ਦੀ ਅਗਵਾਈ ਵਿੱਚ ਆਈ.ਆਰ.ਐਸ ਨੇ ਆਉਣ ਵਾਲੀ ਦਸਤਾਵੇਜ਼ੀ ਫਿਲਮ ਦੇ ਵਿਸ਼ੇ ਬਾਰੇ ਸੰਖੇਪ ਜਾਣ-ਪਛਾਣ ਦੇ ਨਾਲ ਆਪੋ-ਆਪਣੇ ਸਕ੍ਰੀਨ ਪਲੇਅ ਰਿਕਾਰਡ ਕੀਤੇ।
ਉਨਾਂ ਦੱਸਿਆ ਕਿ ਅਟਾਰੀ ਰੇਲਵੇ ਸਟੇਸ਼ਨ ’ਤੇ ਇਸ ਫਿਲਮ ਦੀ ਸ਼ੂਟਿੰਗ ਭਾਰਤ ਦੇ ਇਸ ਦੁਰਲੱਭ ਪ੍ਰੰਪਰਾਗਤ ਵਿਰਾਸਤੀ ਰੇਲਵੇ ਸਟੇਸ਼ਨ ਦੀ ਪ੍ਰਮੁੱਖਤਾ ਨੂੰ ਉਜਾਗਰ ਕਰੇਗੀ ਜੋ ਦੋ ਦੇਸ਼ਾਂ ਦੇ ਰੇਲਵੇ ਸਫ਼ਰ ਨੂੰ ਜੋੜਦਾ ਹੈ ਅਤੇ ਭਾਰਤ ਦੇ ਆਖਰੀ ਪੜਾਅ ’ਤੇ ਹੈ।ਪਾਕਿ ਬਾਰਡਰ ਅਤੇ ਡਾਕੂਮੈਂਟਰੀ ਫਿਲਮ ਦੀ ਸ਼ੂਟਿੰਗ ਲਈ ਲੋੜੀਂਦੀ ਮਨਜ਼ੂਰੀ ਉਤਰੀ ਰੇਲਵੇ ਨਵੀਂ ਦਿੱਲੀ ਅਤੇ ਲੈਂਡ ਕਸਟਮ ਅਟਾਰੀ ਤੋਂ ਪ੍ਰਾਪਤ ਕੀਤੀ ਗਈ ਹੈ।