ਡਾ. ਸੁਰਜੀਤ ਪਾਤਰ ਦੇ ਚਲਾਣੇ ‘ਤੇ ਨਿਹੰਗ ਮੁਖੀ ਬਾਬਾ ਬਲਬੀਰ ਸਿੰਘ ਨੇ ਦੁੱਖ ਪ੍ਰਗਟਾਇਆ

ਅੰਮ੍ਰਿਤਸਰ, 13 ਮਈ (ਜਗਦੀਪ ਸਿੰਘ) – ਸ਼੍ਰੋਮਣੀ ਪੰਥ ਅਕਾਲੀ ਬੁੱਢਾ ਦਲ ਦੇ ਮੁਖੀ ਸਿੰਘ ਸਾਹਿਬ ਜਥੇਦਾਰ ਬਾਬਾ ਬਲਬੀਰ ਸਿੰਘ ਅਕਾਲੀ 96 ਕਰੋੜੀ ਅਤੇ ਬੁੱਢਾ ਦਲ ਦੇ ਸਕੱਤਰ. ਦਿਲਜੀਤ ਸਿੰਘ ਬੇਦੀ ਨੇ ਪੰਜਾਬੀ ਭਾਸ਼ਾ ਦੇ ਸਿਰਮੌਰ ਲੇਖਕ ਡਾ. ਸੁਰਜੀਤ ਸਿੰਘ ਪਾਤਰ ਦੇ ਅਕਾਲ ਚਲਾਣਾ ਕਰ ਜਾਣ ਤੇ ਗਹਿਰੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ।ਉਨ੍ਹਾਂ ਕਿਹਾ ਪੰਜਾਬੀ ਭਾਸ਼ਾ ਅਤੇ ਪੰਜਾਬੀਆਂ ਨੂੰ ਪਾਤਰ ਦਾ ਪਿਆ ਘਾਟਾ ਕਦੇ ਵੀ ਪੂਰਿਆ ਨਹੀਂ ਜਾ ਸਕਦਾ।ਉਨ੍ਹਾਂ ਵਲੋਂ ਰਚੇ ਗੀਤ, ਕਵਿਤਾਵਾਂ ਤੇ ਨਿਬੰਧ ਪੰਜਾਬੀ ਜਗਤ ਨੂੰ ਹਮੇਸ਼ਾਂ ਅਗਵਾਈ ਦੇਂਦੇ ਰਹਿਣਗੇ।ਉਨ੍ਹਾਂ ਵਲੋਂ ਜਬਰ, ਜ਼ੁਲਮ, ਹਾਕਮਾਂ ਅਤੇ ਸਭਿਆਚਾਰ ਤੇ ਸਮਾਜ ਭਲਾਈ ਲਈ ਚਲਾਈ ਕਲਮ ਹਮੇਸ਼ਾਂ ਸਾਡੇ ਚੇਤਿਆਂ ‘ਚ ਰਹੇਗੀ।