ਗਰੀਬ ਪਰਿਵਾਰ ਨੇ ਲਗਾਈ ਮਦਦ ਦੀ ਗੁਹਾਰ

ਪੱਟੀ, 5 ਮਈ (ਰਣਜੀਤ ਸਿੰਘ ਮਾਹਲਾ)- ਸਾਹਿਬ ਸਿੰਘ ਵਾਸੀ ਪਿੰਡ ਆਸਲ ਜੋ ਕਿ ਬਹੁਤ ਗਰੀਬ ਪਰਿਵਾਰ ਨਾਲ ਸਬੰਧਤ ਹੈ ਜੋ ਕਿ ਅੱਠ ਬੱਚਿਆ ਦਾ ਬਾਪ ਹੈ।ਅੱਠ ਬੱਚਿਆ ਵਿੱਚ ਪੰਜ ਬੇਟੀਆਂ ਤੇ ਤਿੰਨ ਬੇਟੇ ਹਨ। 2011 ਵਿੱਚ ਇਸ ਦੀ ਪਤਨੀ ਲੰਬੇ ਸਮੇ ਤਂੋ ਬਿਮਾਰੀ ਦੇ ਚਲਦਿਆਂ ਇਹਨਾ ਦਾ ਸਾਥ ਸੱਡ ਗਈ, ਪਤਨੀ ਦੀ ਮੌਤ ਤਂੋ ਬਾਅਦ ਸਾਹਿਬ ਸਿੰਘ ਬਿਮਾਰ ਪੈ ਗਿਆ।ਘਰ ਦਾ ਗੁਜ਼ਾਰਾ ਮੁਸਕਲ ਹੋਣ ਲੱਗਾ ਪਿੰਡ ਵਾਲਿਆ ਨੇ ਉਗਰਾਹੀ ਕਰਕੇ ਇਸ ਦਾ ਇਲਾਜ ਕਰਵਾਇਆ ਤੇ ਇਸ ਦੀ ਵੱਡੀ ਬੇਟੀ ਦਾ ਵਿਆਹ ਕਰਵਾਇਆਾਂ। ਮਿਹਨਤ ਮਜਦੂਰੀ ਕਰਕੇ ਆਪਣੇ ਘਰ ਦਾ ਗੁਜਾਰਾ ਕਰ ਰਹੇ ਸੀ ਕਿ ਇੱਕ ਸਾਲ ਪਹਿਲਾਂਾ ਸਾਹਿਬ ਸਿੰਘ ਜਦੋ ਘਰੋ ਕੰਮ ਤੇ ਜਾ ਰਿਹਾ ਸੀ ਤਾਂ ਰਸਤੇ ਵਿੱਚ ਕੋਈ ਟਰੈਕਟਰ ਦੀ ਸਾਇਡ ਮਾਰ ਗਿਆ ਤੇ ਸਾਹਿਬ ਸਿੰਘ ਦੀ ਲੱਤ ਟੁੱਟ ਗਈ। ਇਹ ਪਿਛਲੇ ਡੇਡ ਸਾਲ ਤੋ ਮੰਜੇ ‘ਤੇ ਪਿਆ ਹੈ ।ਸਾਹਿਬ ਸਿੰਘ ਨੇ ਸਰਕਾਰ ਤੇ ਦਾਨੀ ਸੱਜਣਾ ਤੋ ਸਹਾਇਤਾ ਕਰਨ ਦੀ ਅਪੀਲ ਕੀਤੀ।