ਵੇਸਟ ਮੈਟੀਰੀਅਲ ਨਾਲ ਆਰਟ ਐਂਡ ਕਰਾਫ਼ਟ ਦਾ ਕੈਂਪ ਆਯੋਜਿਤ

ਬਠਿੰਡਾ, 26  ਮਈ (ਜਸਵਿੰਦਰ ਸਿੰਘ ਜੱਸੀ)-  ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ, ਬਠਿੰਡਾ ਵਿਖੇ ਆਰਟ ਐਂਡ ਕਰਾਫ਼ਟ ਰੂਲਦ ਬਾਬੂ ਰਾਮ ਕਢਾਈ ਵਾਲੇ ਦੇ ਪਰਿਵਾਰ ਵੱਲੋਂ ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ਬਠਿੰਡਾ, ਦੀਆਂ ਲੋੜਵੰਦ ਲੜਕੀਆਂ ਨੂੰ ਆਪਣੇ ਪੈਰਾਂ ‘ਤੇ ਖੜਾ ਕਰਨ ਲਈ ਵੇਸਟ ਮੈਟੀਰੀਅਲ ਤੋਂ ਤਿਆਰ ਆਰਟ ਐਂਡ ਕਰਾਫ਼ਟ ਅਤੇ ਪੇਂਟਿੰਗ ਲਈ ਕੈਂਪ ਦਾ ਉਪਰਾਲਾ ਕੀਤਾ ਗਿਆ। ਇਸ ਮੌਕੇ ਪ੍ਰਿੰਸੀਪਲ ਨਾਜਰ ਸਿੰਘ ਢਿੱਲੋਂ ਵੱਲੋਂ ਆਰਟ ਐਂਡ ਕਰਾਫ਼ਟ ਅਤੇ ਪੇਂਟਿੰਗ ਦੇ ਅਧਿਆਪਕਾਂ ਨੂੰ ਕੈਂਪ ਲਾਉਣ ਲਈ ਜੀ ਆਇਆ ਆਖਿਆ ਗਿਆ ਅਤ ਉਨ੍ਹਾਂ ਦਾ ਧੰਨਵਾਦ ਕੀਤਾ। ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ, ਬਠਿੰਡਾ ਦੀਆਂ ਲੜਕੀਆਂ ਨੇ ਕੈਂਪ ਦੌਰਾਨ ਆਰਟ ਐਂਡ ਕਰਾਫ਼ਟ ਅਤੇ ਪੇਂਟਿੰਗ ਸਿੱਖਣ ਲਈ ਬਹੁਤ ਉਤਸ਼ਾਹ ਨਾਲ ਹੁੰਗਾਰਾ ਭਰਿਆ। ਇਸ ਮੌਕੇ ਸਮੂਹ ਸਟਾਫ਼ ਅਤੇ ਵਿਦਿਆਰਥੀ ਹਾਜ਼ਰ ਸਨ।