ਨਵੀਂ ਸੈਂਟਰਲ ਪਲਾਨ ਸਕੀਮ ਤਹਿਤ ਅੰਗਹੀਣ ਵਿਦਿਆਰਥੀਆਂ ਲਈ ਆਨਲਾਈਨ ਵਜੀਫਾ

ਅੰਮ੍ਰਿਤਸਰ, 14 ਜੁਲਾਈ (ਪੰਜਾਬ ਪੋਸਟ- ਮਨਜੀਤ ਸਿੰਘ) – ਅੰਗਹੀਣ ਵਿਦਿਆਰਥੀਆਂ ਨੂੰ ਨਵੀਂ ਸੈਂਟਰਲ ਪਲਾਨ ਸਕੀਮ ਤਹਿਤ ਪ੍ਰੀ-ਮੈਟਿ੍ਰਕ, ਪੋਸਟ ਮੈਟਿ੍ਰਕ ਅਤੇ ਉੱਚ ਪੱਧਰੀ ਸਿੱਖਿਆ ਦੇਣ ਲਈ ਵਜੀਫਾ ਸਕੀਮ ਸ਼ੁਰੂ ਕੀਤੀ ਗਈ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਜਿਲੇ ਦੇ ਡਿਪਟੀ ਕਮਿਸ਼ਨਰ ਕਮਲਦੀਪ ਸਿੰਘ ਸੰਘਾ ਨੇ ਦੱਸਿਆ ਕਿ ਭਾਰਤ ਸਰਕਾਰ ਦੇ ਸਮਾਜਿਕ ਨਿਆਂ ਮੰਤਰਾਲਾ ਵਲੋਂ ਅੰਗਹੀਣ ਰਿਨੀਊਲ ਵਿਦਿਆਰਥੀਆਂ/ਸਿਖਿਆਰਥੀਆਂ ਲਈ ਫਾਰਮ ਆਨਲਾਈਨ ਭਰਨ ਲਈ 31-7-2017 ਨਿਰਧਾਰਤ ਕੀਤੀ ਹੈ।ਇਸੇ ਤਰਾਂ ਪ੍ਰੀ ਮੈਟਿ੍ਰਕ ਲਈ 30-9-2017 ਅਤੇ ਪੋਸਟ ਮੈਟਿ੍ਰਕ ਵਿਦਿਆਰਥੀਆਂ ਲਈ 31-10-2017 ਨਿਰਧਾਰਤ ਕੀਤੀ ਹੈ।ਉਨਾਂ ਦੱਸਿਆ ਕਿ ਇਸ ਸਬੰਧੀ ਵਧੇਰੇ ਜਾਣਕਾਰੀ ਲੈਣ ਲਈ ਭਾਰਤ ਸਰਕਾਰ ਦੀ ਵੈਬਸਾਈਟ … ਤੇ ਉਪਲੱਬਧ ਹੈ।ਉਨਾਂ ਜਿਲੇ ਦੇ ਸਮੂਹ ਅੰਗਹੀਣ ਵਿਦਿਆਰਥੀਆਂ ਨੂੰ ਅਪੀਲ ਕੀਤੀ ਕਿ ਉਹ ਇਸ ਸਕੀਮ ਦਾ ਵੱਧ ਤੋਂ ਵੱਧ ਫਾਇਦਾ ਉਠਾਉਣ।