ਪੀ.ਸੀ.ਪੀ.ਐਲ ਦੀ ਬਿਜਲੀ ਸਪਲਾਈ ਕੱਲ ਬਿਜਲੀ ਬੰਦ ਰਹੇਗੀ

ਅੰਮ੍ਰਿਤਸਰ, 22 ਜੁਲਾਈ (ਪੰਜਾਬ ਪੋਸਟ- ਸੰਧੂ) – 24 ਜੁਲਾਈ ਦਿਨ ਸੋਮਵਾਰ ਨੂੰ ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ ਦੇ 220 ਕੇ.ਵੀ ਸਬ ਸਟੇਸ਼ਨ ਨਰੈਣਗੜ੍ਹ ਤੋਂ ਚੱਲਣ ਵਾਲੇ 11 ਕੇ.ਵੀ ਛੇਹਰਟਾ ਫੀਡਰ, 11 ਕੇ.ਵੀ ਮੀਰੀ-ਪੀਰੀ ਫੀਡਰ ਤੇ 11 ਕੇ.ਵੀ ਮਹਾਵੀਰ ਫੀਡਰ ਦੀ ਬਿਜਲੀ ਸਪਲਾਈ ਸਵੇਰੇ 10.00 ਵਜੇ ਤੋਂ ਸ਼ਾਮ 4.00 ਵਜੇ ਤੱਕ ਬੰਦ ਰਹੇਗੀ।ਇਸ ਦੀ ਜਾਣਕਾਰੀ ਦਿੰਦਿਆਂ ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ ਦੇ ਜੇ.ਈ ਜੁਗਿੰਦਰ ਸਿੰਘ ਨੇ ਦੱਸਿਆ ਕਿ ਜ਼ਰੂਰੀ ਮੁਰੰਮਤ ਤੇ ਰੁੱਖਾਂ ਦੀ ਕਟਾਈ ਲਈ ਲਾਏ ਜਾਣ ਵਾਲੇ ਬਿਜਲੀ ਕੱਟ ਤੋਂ ਗੁਰੂ ਕੀ ਵਡਾਲੀ ਰੋਡ, ਸੰਨ ਸਾਹਿਬ ਰੋਡ, ਗੁਰੂ ਅਮਰਦਾਸ ਕਲੌਨੀ, ਡਾ. ਹੇਤਰਾਮ ਕਲੌਨੀ, ਆਜ਼ਾਦ ਰੋਡ, ਸੁਭਾਸ਼ ਰੋਡ, ਪੁਰਾਣਾ ਨਰੈਣਗੜ੍ਹ, ਨਿਊ ਰਣਜੀਤਪੁਰਾ, ਧਰਮਪੁਰਾ, ਜਪਾਨੀ ਮਿਲ, ਜੀ.ਟੀ ਰੋਡ ਆਦਿ ਇਲਾਕੇ ਪ੍ਰਭਾਵਿਤ ਹੋਣਗੇ।