ਝੱਖੜ ਕਾਰਨ ਕਿਸਾਨ ਦੇ ਸ਼ੈਡ ਹੋਏ ਬਰਬਾਦ

ਲੌਂਗੋਵਾਲ, 31 ਮਈ (ਪੰਜਾਬ ਪੋਸਟ – ਜਗਸੀਰ ਲੌਂਗੋਵਾਲ ) – ਨੇੜਲੇ ਪਿੰਡ ਕੋਠੇ ਦੇਸੂਪੁਰਾ ਵਿਖੇ ਤੇਜ਼ ਝੱਖੜ ਕਾਰਨ ਇਕ ਕਿਸਾਨ ਦੇ ਦੋ ਪਸ਼ੂਆਂ ਦੇ ਸ਼ੈਡ ਬਰਬਾਦ ਹੋ ਗਏ ਹਨ ਅਤੇ ਘਰ ਦੀਆਂ ਕੰਧਾਂ ਢਹਿ ਗਈਆਂ ਹਨ।ਕਿਸਾਨ ਮੱਖਣਜੀਤ ਸਿੰਘ ਪੁੱਤਰ ਜਗਰੂਪ ਸਿੰਘ ਨੇ ਦੱਸਿਆ ਕਿ ਜਬਰਦਸਤ ਤੂਫ਼ਾਨ ਨੇ ਉਸ ਦੇ 40-40 ਫੁੱਟ ਵਾਲੇ ਦੋ ਪਸ਼ੂਆਂ ਦੇ ਸ਼ੈਡ ਉਡ ਗਏ ਹਨ।ਤਿੰਨ ਵੱਡੀਆਂ ਕੰਧਾਂ ਢਹਿ ਢੇਰੀ ਹੋ ਗਈਆਂ ਹਨ, ਟਰੈਕਟਰ ਅਤੇ ਹੋਰ ਮਸ਼ਨੀਰੀ ਨੂੰ ਵੀ ਨੁਕਸਾਨ ਪੁੱਜਾ ਹੈ।ਜਿਸ ਕਾਰਨ ਉਸ ਦਾ ਦੋ ਲੱਖ ਰੁਪਏ ਦੇ ਕਰੀਬ ਦਾ ਨੁਕਸਾਨ ਹੋਇਆ ਹੈ।ਕਿਸਾਨ ਨੇ ਨੁਕਸਾਨ ਦੀ ਪੂਰਤੀ ਲਈ ਸਰਕਾਰ ਤੋਂ ਮੁਆਵਜ਼ੇ ਦੀ ਮੰਗ ਕੀਤੀ ਹੈ।