ਗਰੇਵਾਲ ਦੇ ਗੀਤ ਨਾਂ ਜਾਈ ਮਸਤਾਂ ਦੇ ਵੇਹੜੇ ਤੇ ਖੂਬ ਝੂਮੇ ਸਰੋਤੇ

ਫਾਜਿਲਕਾ,  15  ਮਾਰਚ (ਵਿਨੀਤ ਅਰੋੜਾ)-  ਯੂਥ ਆਰਗੇਨਾਈਜੇਸ਼ਨ ਆਫ ਪੰਜਾਬ ਵਲੋਂ ਸ਼ਹੀਦ ਭਗਤ ਸਿੰਘ ਦੇ ਸ਼ਹੀਦੀ ਦਿਨ ਨੂੰ ਸਮਰਪਿਤ ਇੱਕ ਸੂਫਿਆਨਾ ਸ਼ਾਮ ਦਾ ਆਯੋਜਨ ਕੀਤਾ ਗਿਆ, ਜਿਸ ਵਿੱਚ ਗਾਇਕ ਕੰਵਰ ਗੇਰਵਾਲ ਨੇ ਆਪਣੇ ਗੀਤਾਂ ਨਾਲ ਮੌਜੂਦ ਹਜਾਰਾਂ ਸ਼ਰੱਧਾਲੂਆਂ ਨੂੰ ਝੂੰਮਣ ਉੱਤੇ ਮਜਬੂਰ ਕੀਤਾ।
ਆਰਗੇਨਾਇਜੇਸ਼ਨ ਅਤੇ ਸ਼ਹੀਦ ਭਗਤ ਸਿੰਘ  ਸਪੋਟਰਸ ਐਂਡ ਟ੍ਰੇਨਿੰਗ ਸੋਸਾਇਟੀ  ਦੇ ਪ੍ਰਧਾਨ ਅਤੇ ਟਰੱਕ ਯੂਨੀਅਨ ਪ੍ਰਧਾਨ ਪਰਮਜੀਤ ਸਿੰਘ ਵੈਰੜ, ਪੰਕਜ ਧਮੀਜਾ, ਰਵੀ ਖੁਰਾਨਾ ਅਤੇ ਸੰਦੀਪ ਅਬਰੋਲ ਨੇ ਦੱਸਿਆ ਕਿ ਸੋਸਾਇਟੀ ਵਲੋਂ ਹਰ ਸਾਲ ਸ਼ਹੀਦ ਭਗਤ ਸਿੰਘ ਨੂੰ ਸਮਰਪਤ ਅਲੱਗ-ਅਲੱਗ ਪ੍ਰੋਗਰਾਮ ਆਯੋਜਿਤ ਕੀਤੇ ਜਾਂਦੇ ਹਨ।ਉਸਦੇ ਤਹਿਤ ਹੀ ਇਸ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ ਹੈ।ਪ੍ਰੋਗਰਾਮ ਜੁਟੇ ਹਜਾਰਾਂ ਸ਼ਰਧਾਲੂਆਂ ਦੀ ਬਦੌਲਤ ਬੇਹੱਦ ਸਫਲ ਹੋਏ ਪ੍ਰੋਗਰਾਮ ਵਿੱਚ ਤੇਜੀ ਨਾਲ ਲੋਕਾਂ  ਦੇ ਦਿਲ ਵਿੱਚ ਜਗ੍ਹਾ ਬਨਾਉਣ ਵਾਲੇ ਸੂਫੀ ਗਾਇਕ ਕੰਵਰ ਗਰੇਵਾਲ ਅਤੇ ਉਨਾਂ ਦੀ ਟੀਮ ਨੇ ਕਰੀਬ ਢਾਈ ਘੰਟੇ ਤੱਕ ਲੋਕਾਂ ਦਾ ਮਨੋਰੰਜਨ ਕੀਤਾ।ਗਰੇਵਾਲ ਨੇ ਆਪਣੇ ਪ੍ਰਸਿੱਧ ਗੀਤ ਨਾਂ ਜਾਈਂ ਮਸਤਾਂ  ਦੇ ਵੇਹੜੇ,  ਛੱਲਾ,  ਸਾਈਆਂ ਦੀ ਕੰਜਰੀ ਆਦਿ ਨਾਲ ਸ਼ਰਧਾਲੂਆਂ ਨੂੰ ਝੂਮਣ ਲਈ ਮਜਬੂਰ ਕੀਤਾ।ਪ੍ਰੋਗਰਾਮ ਵਿੱਚ ਜਲਾਲਾਬਾਦ ਪੀਏਡੀਬੀ ਬੈਂਕ  ਦੇ ਚੇਅਰਮੈਨ ਲਖਵਿੰਦਰ ਸਿੰਘ  ਰੋਹੀਵਾਲਾ,  ਡੀਐਸਪੀ ਮਨਜੀਤ ਸਿੰਘ ਅਤੇ ਬੱਲੂਆਨਾ  ਦੇ ਡੀਐਸਪੀ ਵੀਰ ਚੰਦ ਨੇ ਵਿਸ਼ੇਸ਼ ਮਹਿਮਾਨ ਦੇ ਰੂਪ ਵਿਚ ਸ਼ਿਰਕਤ ਕੀਤੀ।