ਜਨਰਲ ਰੇਤਾ ਵਰਕਰਸ ਯੂਨੀਅਨ ਦੀ ਭੁੱਖ ਹੜਤਾਲ 20ਵੇਂ ਦਿਨ ਵੀ ਜਾਰੀ

ਫਾਜਿਲਕਾ, 20 ਅਗਸਤ (ਵਿਨੀਤ ਅਰੋੜਾ) –  ਜਨਰਲ ਰੇਤਾ ਵਰਕਰਸ ਯੂਨੀਅਨ (ਸਬੰਧਤ ਏਟਕ) ਜਿਲਾ ਫਾਜਿਲਕਾ ਦੁਆਰਾ ਰੇਤ ਖਦਾਨਾਂ ਉੱਤੇ ਕੰਮ ਸ਼ੁਰੂ ਕਰਵਾਉਣ ਲਈ ਬੁੱਧਵਾਰ ਨੂੰ ਡਿਪਟੀ ਕਮਿਸ਼ਨਰ ਦਫ਼ਤਰ  ਦੇ ਸਾਹਮਣੇ ਸਮੇਂ ਦੀ ਭੁੱਖ ਹੜਤਾਲ 20ਵੇਂ ਦਿਨ ਵੀ ਜਾਰੀ ਰਹੀ।ਅੱਜ ਭੁੱਖ ਹੜਤਾਲ ਦੀ ਲੜੀ ਦੇ 20ਵੇਂ ਦਿਨ ਸਾਥੀ ਬਲਵਿੰਦਰ ਸਿੰਘ  ਦੀ ਅਗਵਾਈ ਵਿੱਚ 8 ਸਾਥੀ ਭੁੱਖ ਹੜਤਾਲ ਉੱਤੇ ਬੈਠੇ।ਜਿਨ੍ਹਾਂ ਨੂੰ ਪ੍ਰਧਾਨ ਬਖਤਾਵਰ ਸਿੰਘ  ਨੇ ਹਾਰ ਪੁਆਕੇ ਭੁੱਖ ਹੜਤਾਲ ਉੱਤੇ ਬਿਠਾਇਆ।ਭੁੱਖ ਹੜਤਾਲ ਵਿੱਚ ਬੈਠਣ ਵਾਲੀਆਂ ਵਿੱਚ ਬਲਵਿੰਦਰ ਸਿੰਘ, ਮੰਗਾ ਸਿੰਘ, ਬਚਨ ਸਿੰਘ, ਸ਼ੇਰ ਸਿੰਘ, ਸ਼ਿੰਦਾ ਸਿੰਘ, ਜਰਨੈਲ ਸਿੰਘ, ਹਰਮੀਤ ਸਿੰਘ, ਸੋਨਾ ਸਿੰਘ  ਆਦਿ  ਦੇ ਨਾਮ ਸ਼ਾਮਿਲ ਹਨ ।