ਛੱਤ ਡਿੱਗਣ ਨਾਲ ਇੱਕ ਅੋਰਤ ਦੀ ਮੌਤ – ਔਜਲਾ ਨੇ ਕੀਤਾ ਹਮਦਰਦੀ ਦਾ ਪ੍ਰਗਟਾਵਾ

ਅੰਮ੍ਰਿਤਸਰ, 5 ਸਤੰਬਰ (ਸੁਖਬੀਰ ਸਿੰਘ)- ਸਥਾਨਕ ਮੀਰਾ ਕੋਟ ਸਥਿਤ ਪ੍ਰੇਮ ਨਗਰ ਗਲੀ ਐਸ.ਪੀ ਵਾਲੀ ਵਿਖੇ ਇੱਕ ਮਕਾਨ ਦੀ ਛੱਤ ਡਿੱਗਣ ਨਾਲ ਇੱਕ ਅੋਰਤ ਦੀ ਮੌਤ ਹੋ ਗਈ ।ਮਿਲੀ ਜਾਣਕਾਰੀ ਅਨੁਸਾਰ ਜਸਵੰਤ ਕੌਰ ਨਾਮੀ ਔਰਤ ਜਦ ਕੁੱਝ ਸਮਾਨ ਲੈਣ ਘਰ ਦੇ ਅੰਦਰ ਗਈ ਤਾਂ ਅਚਾਨਕ ਛੱਤ ਡਿੱਗ ਜਾਣ ਕਰਕੇ ਛੱਤ ਹੇਠਾਂ ਦੱਬੀ ਗਈ, ਜਿਸ ਕਰਕੇ ਉਹ ਦਮ ਤੋੜ ਗਈ। ਜਸਵੰਤ ਕੋਰ ਆਪਣੇ ਪਿੱਛੇ ਦੋ ਪੁੱਤਰਾਂ ਸਰਬਜੀਤ ਸਿੰਘ ਅਤੇ ਤਰਲੋਚਨ ਸਿੰਘ ਛੱਡ ਗਈ ਹੈ।ਜਿਲਾ ਕਾਂਗਰਸ ਦਿਹਾਤੀ ਪ੍ਰਧਾਨ ਗੁਰਜੀਤ ਸਿੰਘ ਔਜਲਾ ਨੇ ਅੱਜ ਪੇ੍ਰਮ ਨਗਰ ਦਾ ਦੌਰਾ ਕਰਕੇ ਪੀੜਤ ਪਰਿਵਾਰ ਨਾਲ ਹਮਦਰਦੀ ਦਾ ਪ੍ਰਗਟਾਵਾ ਕਰਦਿਆਂ, ਜਿਲਾ ਪ੍ਰਸਾਸ਼ਨ ਤੇ ਸਰਕਾਰ ਨੂੰ ਪੀੜਤ ਪਰਿਵਾਰ ਦੀ ਮਦਦ ਕਰਨ ਦੀ ਅਪੀਲ ਕੀਤੀ।