Friday, June 13, 2025

ਬੁਜ਼ਦਿਲ

ਬੁਜ਼ਦਿਲ ਪਿੱਠ `ਤੇ ਵਾਰ ਕਰ ਗਏ
ਹੱਦਾਂ ਸਭ ਹੀ ਪਾਰ ਕਰ ਗਏ।

ਨਾਲ ਲਹੂ ਦੇ ਖੇਡੀ ਹੋਲੀ
ਦਹਿਸ਼ਤ ਹੋਈ ਅੰਨ੍ਹੀ ਬੋਲੀ।

ਮਾਵਾਂ ਦੇ ਪੁੱਤ ਮਾਰ ਗਏ ਉਹ
ਖ਼ਬਰੇ ਕੀ ਸੰਵਾਰ ਗਏ ਉਹ।

ਪੁੱਤ ਕਿਸੇ ਦਾ ਮਾਹੀ ਮਰਿਆ
ਬਾਪ ਬਿਨਾ ਸੀ ਬੱਚਾ ਕਰਿਆ।

ਬੁਜ਼ਦਿਲ ਹੀ ਇਹ ਕਾਰੇ ਕਰਦੇ
ਇੰਝ ਮਾਰ ਜੋ ਖੁਦ ਨੇ ਮਰਦੇ।

ਹਿੰਮਤ ਸੀ ਤਾਂ ਦੋ ਹੱਥ ਕਰਦੇ
ਯੋਧੇ ਵਾਂਗੂੰ ਲੜਦੇ ਮਰਦੇ।

ਸਾਡੇ ਸੈਨਿਕ ਵੀਰ ਕਹਾਏ
ਤਾਹੀਓਂ ਗਾਥਾ ਹਰ ਕੋਈ ਗਾਏ।

ਇੰਝ ਤਾਂ ਮਸਲੇ ਹੱਲ ਨਹੀਂ ਹੋਣੇ
ਅੱਜ ਨਹੀਂ ਹੋਣੇ ਕੱਲ੍ਹ ਨਹੀਂ ਹੋਣੇ।

ਛੱਡੋ ਇਹ ਸਭ ਹੇਰਾ ਫੇਰੀ
ਹੋ ਜਾਵੇਗੀ ਨਹੀਂ `ਤੇ ਦੇਰੀ।

`ਬਿਰਦੀ` ਝਗੜੇ ਬੈਠ ਮਿਟਾਓ
ਇਸ ਦੁਨੀਆਂ ਨੂੰ ਸੁਰਗ ਬਣਾਓ।
Hardeep Birdi
ਹਰਦੀਪ ਬਿਰਦੀ
ਮੋ – 9041600900
  

Check Also

ਡਾਇਰੈਕਟੋਰੇਟ ਆਫ਼ ਐਜੂਕੇਸ਼ਨ ਵੱਲੋਂ “ਕੁਦਰਤੀ ਆਫ਼ਤਾਂ ਪ੍ਰਬੰਧਨ ਤੇ ਪੰਜਾਬੀਆਂ ਦੀ ਭੂਮਿਕਾ” ਕਿਤਾਬ ਰਿਲੀਜ਼

ਅੰਮ੍ਰਿਤਸਰ, 12 ਜੂਨ (ਜਗਦੀਪ ਸਿੰਘ) – ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਡਾਇਰੈਕਟੋਰੇਟ ਆਫ਼ ਐਜੂਕੇਸ਼ਨ ਵੱਲੋਂ …

Leave a Reply