Punjab Post Daily Online Newspaper & Print Media
ਨਾ ਕਾਲਾ ਧੰਨ ਆਇਆ ਨਾ ਗੰਗਾ ਸਾਫ ਹੋਈ
ਨੋਟਬੰਦੀ ਦਾ ਦੇਸ਼ ਨੂੰ ਲੱਗਿਆ ਗ੍ਰਹਿਣ ਯਾਰੋ।
ਨਾ ਸਮਾਰਟ ਫੋਨ ਨਾ ਨੌਕਰੀ ਨਾ ਬੇਰੁਜ਼ਗਾਰੀ ਭੱਤਾ ਦਿੱਤਾ
ਲਾਰੇ ਲੀਡਰਾਂ ਦੇ ਸੂਲਾਂ ਵਾਂਗ ਸਦਾ ਚੁਭਦੇ ਰਹਿਣ ਯਾਰੋ।
ਮੈਨੀਫੈਸਟੋ ਗੱਪਾਂ ਲਈ ਲੀਡਰਾਂ ਪ੍ਰਧਾਨ ਚੁਣਿਆ
ਲਾਰੇ ਸਰਕਾਰਾਂ ਦੇ ਹਵਾ `ਚ ਉਡਦੇ ਰਹਿਣ ਯਾਰੋ।
ਪੰਜ ਸਾਲ ਨਾ ਜਿੰਨਾ ਜਨਤਾ ਦੀ ਬਾਤ ਪੁੱਛੀ
ਹੁਣ ਕੋਲ-ਕੋਲ ਹੋ ਕੇ ਲੱਗੇ ਨੇ ਬਹਿਣ ਯਾਰੋ।
ਜੇ ਹੱਕ ਸੱਚ ਦੀ ਕੋਈ ਨੌਜਵਾਨ ਗੱਲ ਕਰਦਾ
ਚੋਰ ਅੱਡੀਆਂ ਚੁੱਕ ਚੁੱਕ ਲੱਗਦੇ ਨੇ ਪੈਣ ਯਾਰੋ।
ਕਿਉਂ ਭੋਲੇ ਲੋਕ ਨੇ ਸੰਧੂ ਬੁਰਜ ਵਾਲਿਆ ਭੁੱਲ ਜਾਂਦੇ
ਦੁੱਧ ਬਿਲਿਆਂ ਸਿਰਹਾਣੇ ਕਦੇ ਸਲਾਮਤ ਨਾ ਰਹਿਣ ਯਾਰੋ।
ਬਲਤੇਜ ਸੰਧੂ
ਬੁਰਜ ਲੱਧਾ, ਬਠਿੰਡਾ
ਮੋ- 9465818158
