16ਵੀ ਲੋਕ ਸਭਾ ਚੋਣਾਂ ਦੀ ਘੋਸ਼ਣਾ ਤੋਂ ਬਾਅਦ ਕੋਡ ਆਫ ਕੰਡਕਟ ਲਾਗੂ -ਡੀਸੀ

ਫਾਜਿਲਕਾ, 5 ਮਾਰਚ  ( ਵਿਨੀਤ ਅਰੋੜਾ ) –  16ਵੀ ਲੋਕਸਭਾ ਚੋਣ – 2014 ਦੀ ਘੋਸ਼ਣਾ ਹੋਣ  ਦੇ ਕਾਰਨ ਅੱਜ 5 ਮਾਰਚ ਤੋ ਕੋਡ ਆਫ ਕੰਡਕਟ ਵੀ ਲਾਗੂ ਹੋ ਗਿਆ ਹੈ । ਇਹ ਜਾਣਕਾਰੀ ਦਿੰਦੇ ਡਿਪਟੀ ਕਮਿਸ਼ਨਰ ਫਾਜਿਲਕਾ ਡਾ. ਬਸੰਤ ਗਰਗ  ਨੇ ਦੱਸਿਆ ਕਿ ਸਮੂਹ ਰਾਜਨੀਤਕ ਪਾਰਟੀਆਂ ਜਾਂ ਚੋਣ ਲੜ ਰਹੇ ਉਮੀਦਵਾਰ,  ਅਜਿਹੀ ਗਤੀਵਿਧੀਆਂ ਤੋਂ ਦੂਰ ਰਹਣਗੇ ,  ਜਿਸਦੇ ਨਾਲ ਕਿਸੇ ਫਿਰਕੇ ,  ਧਰਮ ਜਾਂ ਜਾਤਪਾਤ ਆਦਿ ਵਿੱਚ ਤਨਾਅ ਪੈਦਾ ਹੋਵੇ ।  ਉਹ ਕਿਸੇ ਵੀ ਧਾਰਮਿਕ ਸਥਾਨ ਦਾ ਇਸਤੇਮਾਲ ਚੋਣ ਪ੍ਰਚਾਰ ਵਿੱਚ ਨਹੀਂ ਕਰਣਗੇ ਅਤੇ ਨਾਂ ਹੀ ਕਿਸੇ ਵੀ ਤਰਾਂ  ਦੇ ਗੈਰ ਕਾਨੂੰਨੀ ਢੰਗ ਨਾਲ ਵੋਟ ਹਾਸਲ ਕਰਣ ਦੀ ਕੋਸ਼ਿਸ਼ ਕਰਣਗੇ । ਕੋਈ ਉਮੀਦਵਾਰ ਕਿਸੇ ਵੀ ਸਰਕਾਰੀ ਵਾਹਨ ਦਾ ਇਸਤੇਮਾਲ ਚੋਣ ਪ੍ਰਚਾਰ ਵਿੱਚ ਨਹੀਂ ਕਰਣਗੇ। ਕੋਈ ਉਮੀਦਵਾਰ ਕਿਸੇ ਤਰਾਂ ਦੀ ਗਰਾਂਟ ਦੀ ਘੋਸਨਾ ਨਹੀਂ ਕਰਣਗੇ।  । ਕਿਸੇ ਵੀ ਜਾਇਦਾਦ  ਦੇ ਮਾਲਿਕ ਦੀ ਇਜਾਜਤ  ਤੋਂ ਬਿਨਾਂ ਉਸਦੀ ਜਾਇਦਾਦ ਵਿੱਚ ਕੋਈ ਪੋਸਟਰ,  ਝੰਡਾ ਜਾਂ ਕਿਸੇ ਪ੍ਰਕਾਰ ਦੀ ਲਿਖਾਈ ਨਾ ਕੀਤੀ ਜਾਵੇ ।  ਕਿਸੇ ਵੀ ਰਾਜਨੀਤਕ ਪਾਰਟੀ ਜਾਂ ਉਮੀਦਵਾਰ ਵੱਲੋਂ ਕਿਸੇ ਦੂਜੀ ਰਾਜਨੀਤਕ ਪਾਰਟੀ ਜਾਂ ਦੂੱਜੇ ਉਮੀਦਵਾਰ ਦੀ ਰੈਲੀ ,  ਜੂਲੂਸ ਜਾਂ ਲਾਉਡ ਸਪੀਕਰ ਲਗਾਉਣ ਦੀ ਪੂਰਵ ਪ੍ਰਵਾਨਗੀ ਸਬੰਧਤ ਉਪ ਮੰਡਲ ਮੇਜਿਸਟਰੇਟ ਵਲੋਂ ਲਈ ਜਾਵੇ ।  ਮਾਡਲ ਕੋਡ ਆਫ ਕੰਡਕਟ ਦੀ ਵਿਸਤਾਰਪੂਰਵਕ ਜਾਣਕਾਰੀ ਜਿਲਾ ਚੋਣ ਅਫਸਰ ਵਲੋਂ ਜਾਂ ਰਿਟਰਨਿਗ ਅਫਸਰ ਵਲੋਂ ਲਈ ਜਾ ਸਕਦੀ ਹੈ ।