ਗ਼ਜ਼ਲ

ਰਾਤ ਤੋਂ ਪ੍ਰਭਾਤ ਹੋਣੀ ਲਾਜ਼ਮੀ ਹੈ
ਨ੍ਹੇਰ ਦੀ ਹੁਣ ਮਾਤ ਹੋਣੀ ਲਾਜ਼ਮੀ ਹੈ।

ਚੁੱਪ ਤੋਂ ਨਾ ਮੇਟ ਹੋਇਆ ਸ਼ੋਰ ਹੈ ਜੀ
ਦਿਲ ਕਹੇ ਹੁਣ ਬਾਤ ਹੋਣੀ ਲਾਜ਼ਮੀ ਹੈ।

ਹਾਰ ਮਿਲ ਜੋ ਇਹ ਗਈ ਹੈ ਮੌਤ ਵਰਗੀ
ਇਸ ਦਾ ਆਤਮ ਸ਼ਾਂਤ ਹੋਣੀ ਲਾਜ਼ਮੀ ਹੈ।

ਪੁੱਛ ਰਹੇ ਨੇ ਉਹ ਕਿ ਕਿਹੜੀ ਜਾਤ ਦਾ ਤੂ
ਸੋਚਦਾ ਹਾਂ ਜਾਤ ਹੋਣੀ ਲਾਜ਼ਮੀ ਹੈ ?

ਨਿਯਮ ਇਹ ਹੈ ਓਸ ਰੱਬ ਦਾ ਹੀ ਬਣਾਇਆ
ਦਿਨ ਦੇ ਪਿੱਛੋਂ ਰਾਤ ਹੋਣੀ ਲਾਜ਼ਮੀ ਹੈ।

ਦੌਲਤਾਂ ਦੇ ਅੰਬਰਾਂ ਦਾ ਕੀ ਕਰਾਂਗੇ
ਸਿਹਤ ਦੀ ਵੀ ਦਾਤ ਹੋਣੀ ਲਾਜ਼ਮੀ ਹੈ।

 

 

 

ਹਰਦੀਪ ਬਿਰਦੀ
ਮੋ – 90416 00900