ਮੋਦੀ ਵਲੋਂ ਕੋਰੋਨਾ ਦਾ ਫੈਲਾਅ ਰੋਕਣ ਲਈ ਅੱਜ ਅੱਧੀ ਰਾਤ 12.00 ਵਜੇ ਤੋਂ ਪੂਰੇ ਭਾਰਤ ‘ਚ ਲੌਕ ਡਾਊਨ ਦਾ ਐਲਾਨ

ਨਵੀਂ ਦਿੱਲੀ, 24 ਮਾਰਚ (ਪੰਜਾਬ ਪੋਸਟ ਬਿਊਰੋ) – ਪੂਰੇ ਦੇਸ਼ ਵਿੱਚ ਕੋਰੋਨਾ ਦਾ ਫੈਲਾਅ ਰੋਕਣ ਲਈ ਅੱਜ ਅੱਧੀ ਰਾਤ 12.00 ਵਜੇ ਤੋਂ ਪੂਰੇ ਭਾਰਤ ਵਿੱਚ ਲੌਕ ਡਾਊਨ ਦਾ ਐਲਾਨ ਕੀਤਾ ਗਿਆ ਹੈ।ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਅੱਜ ਦੇਸ਼ ਵਾਸੀਆਂ ਨੂੰ ਸੰਬੋਧਨ ਹੁੰਦਿਆਂ ਕਿਹਾ ਕਿ ਉਨਾਂ ਕਿਹਾ ਕਿ ‘ਜਾਨ ਹੈ ਤੇ ਜਹਾਨ ਹੈ’ ਅਗਰ ਜ਼ਿੰਦਗੀ ਚਾਹੀਦੀ ਹੈ ਸਾਨੂੰ ਘਰ ਦੇ ਵਿੱਚ ਹੀ ਰਹਿਣਾ ਪਵੇਗਾ।ਉਨਾਂ ਕਿਹਾ ਕਿ ਇਹ ਬੇਸ਼ੱਕ ਲੰਮਾ ਸਮਾਂ ਹੈ।ਪਰ ਸਾਨੂੰ ਸਾਰਿਆਂ ਨੂੰ ਮਿਲ ਕੇ ਕਰਫਿਊ ਵਰਗਾ ਲੌਕ ਡਾਊਨ ਕਰ ਕੇ ਕੋਰੋਨਾ ਨਾਲ ਲੜਣਾ ਪਵੇਗਾ।ਉਨਾਂ ਕਿਹਾ ਕਿ ਆਪਣੀ, ਆਪਣੇ ਪਰਿਵਾਰ ਅਤੇ ਇਲਾਕੇ ਦੀ ਸਲਾਮਤੀ ਲਈ ਆਪਣੇ ਆਪ ਨੂੰ ਘਰਾਂ ਵਿੱਚ ਬੰਦ ਕਰਨਾ ਪਵੇਗਾ।