ਵਫਾਦਾਰੀਆਂ

ਪੰਜਾਬੀ ਕੌਮ ਨੇ ਸਦਾ ਹੱਕ ਸੱਚ ਦੀ ਗੱਲ ਕੀਤੀ
ਛੋਟੇ ਛੋਟੇ ਬੱਚਿਆਂ ਨੇ ਹੱਸ ਹੱਸ ਕੇ ਜਿੰਦੜੀਆਂ ਵਾਰੀਆਂ ਨੇ

ਜ਼ਾਲਮੋ ਜਿਹੜੇ ਤਖਤੋ ਤਾਜ ‘ਤੇ ਬੈਠ ਰਾਜ ਕਰਦੇ
ਸਿੰਘਾਂ ਸਿਰ ਦੇ ਕੇ ਲਈਆਂ ਸਰਦਾਰੀਆਂ ਨੇ

ਤਿਲਕ ਜੰਝੂ ਲਈ ਗੁਰਾਂ ਸੀਸ ਕਟਾਇਆ ਚਾਂਦਨੀ ਚੌਂਕ ਅੰਦਰ
ਬਾਬੇ ਬਘੇਲ ਸਿੰਘ ਨੇ ਲਾਲ ਕਿਲ੍ਹੇ ਤੇ ਮੱਲਾਂ ਮਾਰੀਆਂ ਨੇ।

ਸਾਡਾ ਉਗਾਇਆ ਅੰਨ ਖਾ ਕੇ ਸਾਡੇ ਹੀ ਮਾਰੋ ਡਾਂਗਾਂ
‘ਬੁਰਜ਼ ਵਾਲਿਆਂ’ ਇਹ ਕਿਧਰ ਦੀਆਂ ਵਫਾਦਾਰੀਆਂ ਨੇ।।

ਜਖ਼ਮੀ ਹੋਇਆ ਪੰਜਾਬ ਦਾ ਸੀਨਾ ਲੋਕੋ ਬਹੁਤ ਵਾਰੀ
ਪਰ ਹਰ ਵਾਰ ਪੰਜਾਬੀਆਂ ਨੇ ਬੜਕਾ ਮਾਰੀਆਂ ਨੇ

ਬਲਤੇਜ ਸੰਧੁ ਬੁਰਜ ਲੱਧਾ
ਪਿੰਡ ਬੁਰਜ ਲੱਧਾ, ਜਿਲਾ ਬਠਿੰਡਾ;
ਮੋ – 9465818158