‘ਯੂਥ ਡਾਇਲਾਗ – ਇੰਡੀਆ 2047’ ਪ੍ਰੋਗਰਾਮ ਦਾ ਆਯੋਜਨ

ਅੰਮ੍ਰਿਤਸਰ, 23 ਅਗਸਤ (ਸੁਖਬੀਰ ਸਿੰਘ) – ਭਾਰਤ ਆਜ਼ਾਦੀ ਦੇ 75 ਸਾਲ ਅਤੇ ਇਸ ਦੇ ਲੋਕਾਂ, ਸੱਭਿਆਚਾਰ ਅਤੇ ਪ੍ਰਾਪਤੀਆਂ ਦੇ ਸ਼ਾਨਦਾਰ ਇਤਿਹਾਸ ਨੂੰ `ਆਜ਼ਾਦੀ ਕਾ ਅੰਮ੍ਰਿਤ ਮਹੋਤਸਵ` ਮਨਾ ਰਿਹਾ ਹੈ।
ਯੁਵਾ ਮਾਮਲਿਆਂ ਅਤੇ ਖੇਡਾਂ ਦਾ ਮੰਤਰਾਲਾ ਅਤੇ ਇਸ ਦੀ ਖੁਦ ਮੁਖਤਿਆਰ ਸੰਸਥਾ ਨਹਿਰੂ ਯੁਵਾ ਕੇਂਦਰ ਸੰਗਠਨ ਦੇਸ਼ ਭਰ ਦੇ ਸਾਰੇ ਜਿਲ੍ਹਿਆਂ ਵਿੱਚ ਕਮਿਊਨਿਟੀ ਬੇਸਡ ਆਰਗੇਨਾਈਜੇਸਨਾਂ ਰਾਹੀਂ “ਯੂਥ ਡਾਇਲਾਗ- ਇੰਡੀਆ „2047” ਪ੍ਰੋਗਰਾਮ ਦਾ ਆਯੋਜਨ ਕਰ ਰਿਹਾ ਹੈ।ਜਿਲ੍ਹਾ ਅੰਮ੍ਰਿਤਸਰ ਦੇ ਬਲਾਕ ਹਰਸਾ ਛੀਨਾ ਦੇ ਸੰਤ ਆਤਮਾ ਸਿੰਘ ਸਪੋਰਟਸ ਕਲੱਬ ਵਿਖੇ ਰੋਬਨਜੀਤ ਸਿੰਘ ਦੀ ਅਗਵਾਈ ਹੇਠ ਸਮਾਰੋਹ ਕਰਵਾਇਆ ਗਿਆ, ਜਿਸ ਦੇ ਮੁੱਖ ਮਹਿਮਾਨ ਡਾਇਰੈਕਟਰ ਡਾ: ਧਰਮਵੀਰ ਸਿੰਘ ਹੇਰ ਅਤੇ ਵਿਸ਼ੇਸ਼ ਮਹਿਮਾਨ ਮੈਡਮ ਰਾਧਿਕਾ ਅਰੋੜਾ, ਰਜਿੰਦਰ ਸਿੰਘ ਛੀਨਾ ਅਤੇ ਜਿਲ੍ਹਾ ਯੂਥ ਅਫ਼ਸਰ ਆਕਾਂਕਸ਼ਾ ਮਹਾਵਰੀਆ ਸਨ।
ਮਹਿਮਾਨਾਂ ਨੇ ਸ਼ਮ੍ਹਾਂ ਰੌਸ਼ਨ ਕਰਕੇ ਪ੍ਰੋਗਰਾਮ ਦੀ ਸ਼ੁਰੂਆਤ ਕੀਤੀ।ਉਪਰੰਤ ਮੈਡਮ ਪਵਨਦੀਪ ਕੌਰ, ਸੋਨੀਆ ਸ਼ਰਮਾ, ਅਮਨਦੀਪ ਕੌਰ, ਸੋਨੀਆ ਮਹਾਜਨ ਅਤੇ ਪ੍ਰੋਫੈਸਰ ਭੁਪਿੰਦਰ ਸਿੰਘ ਨੇ ਅੰਮ੍ਰਿਤ ਕਾਲ ਦੇ ਪੰਜ ਜੀਵਨਾਂ ਬਾਰੇ ਚਰਚਾ ਕੀਤੀ।ਪੰਚ ਪ੍ਰਾਣ `ਤੇ ਸਵਾਲ-ਜਵਾਬ ਸੈਸ਼ਨ ‘ਚ ਬੁਲਾਰਿਆਂ ਨੇ ਭਾਗ ਲੈਣ ਵਾਲਿਆਂ ਦੇ ਸਵਾਲਾਂ ਦੇ ਜਵਾਬ ਦਿੱਤੇ।ਜਿਸ ਤੋਂ ਬਾਅਦ ਭਾਗੀਦਾਰਾਂ ਜਸਪ੍ਰੀਤ ਸਿੰਘ, ਸੋਫੀਆ, ਜਸਪ੍ਰੀਤ ਕੌਰ, ਗੁਰਪ੍ਰੀਤ ਸਿੰਘ, ਅਤੇ ਮਨਜੀਤ ਸਿੰਘ ਨੇ ਪੰਚ ਪ੍ਰਾਣ `ਤੇ ਭਾਸ਼ਣ ਦਿੱਤੇ।ਪੰਚ ਪ੍ਰਾਣ ਸਾਥ ਅਤੇ ਰਾਸ਼ਟਰੀ ਗੀਤ ਦਾ ਪ੍ਰੋਗਰਾਮ ਵੀ ਕਰਵਾਇਆ ਗਿਆ।ਪ੍ਰੋਗਰਾਮ ਵਿੱਚ 270 ਦੇ ਕਰੀਬ ਪ੍ਰਤੀਯੋਗੀ ਹਾਜ਼ਰ ਸਨ।ਸਵੈ ਸੇਵਕ ਗੁਰਸੇਵਕ ਸਿੰਘ, ਅਨਮੋਲ ਅਤੇ ਸੰਤ ਆਤਮਾ ਸਿੰਘ ਕਲੱਬ ਦੇ ਹੋਰ ਮੈਂਬਰ ਵੀ ਹਾਜ਼ਰ ਰਹੇ।