ਸੁਰਜੀਤ ਪਾਤਰ ਨੂੰ ਯਾਦ ਕਰਦਿਆਂ

ਹੋ ਸਕਦੀਆਂ ਨੇ ਹਵਾਵਾਂ ਸ਼ਾਂਤ,
ਰਾਤ ਦੇ ਹਨੇਰਿਆਂ ਵਿੱਚ
ਹਰਫ਼ਾਂ ਦਾ ਸੁਲਤਾਨ ਕਿਵੇਂ ਸ਼ਾਂਤ ਹੋ ਗਿਆ,
ਰਾਤ ਦੇ ਹਨੇਰਿਆਂ ਵਿੱਚ
ਸਾਡੇ ਸਾਹਿਤ ਦਾ ਕਿੰਨਾ ਸੋਹਣਾ ਖੁਆਬ ਸੀ
ਜਿਹੜਾ ਮੈਂ ਪੂਰਾ ਹੁੰਦਾ ਦੇਖਿਆ
ਫਿਰ ਵੀ ਮੈਂ ਕਿਵੇਂ ਆਖ ਦੇਵਾਂ
ਕਿ ਉਹ ਸਾਥੋਂ ਦੂਰ ਹੋ ਗਿਆ
ਉਮਰਾਂ ਤੋਂ ਵੀ ਵੱਧ ਨੇ ਲਿਖਤਾਂ,
ਜੋ ਸੁਰਜੀਤ ਪਾਤਰ ਨੂੰ ਸੁਰਜੀਤ ਕਰਦੀਆਂ ਰਹਿਣਗੀਆਂ
ਆਖਿਰ ਅਚਨਚੇਤ, ਸਾਡਾ ਹਰਫ਼ਾਂ ਦਾ ਸਿਤਾਰਾ
ਸਾਥੋ ਕਿਵੇਂ ਦੂਰ ਹੋ ਗਿਆ
ਲੱਭ ਹੀ ਜਾਣਾ ਕਿਤਾਬਾਂ ਦੇ ਸੁਨਿਹਰੀ ਵਰਕਿਆਂ ਵਿੱਚੋਂ
ਕਿਤੇ ਹਵਾਵਾਂ ਵਿੱਚ ਲਿਖੇ ਹਰਫ਼ਾਂ ਵਿੱਚੋਂ
ਹਰਫ਼ਾਂ ਦਾ ਸ਼ਾਇਰ “ਸੁਰਜੀਤ ਪਾਤਰ”
ਕਵਿਤਾ 2605202402
ਸੰਦੀਪ ਸਿੱਧੂ ਬਡਰੁੱਖਾਂ