ਜ਼ਿਲ੍ਹਾ ਟਰਾਂਸਪੋਰਟ ਅਫਸਰ ਮਾਨਸਾ ਖਿਲਾਫ ਮੁਕੱਦਮਾ

ਬਠਿੰਡਾ, 6 ਅਪ੍ਰੈਲ (ਜਸਵਿੰਦਰ ਸਿੰਘ ਜੱਸੀ, ਅਵਤਾਰ ਸਿੰਘ ਕੈਂਥ)- ਮਾਨਯੋਗ ਸੁਰੇਸ਼ ਅਰੋੜਾ, ਆਈ.ਪੀ.ਐਸ, ਡਾਇਰੈਕਟਰ ਜਨਰਲ ਪੁਲਿਸ-ਕਮ-ਚੀਫ ਡਾਇਰੈਕਟਰ, ਵਿਜੀਲੈਸ ਬਿਊਰੋ ਪੰਜਾਬ, ਚੰਡੀਗੜ੍ਹ ਜੀ ਦੀ ਰਹਿਨੁਮਾਈ ਅਤੇ ਗੁਰਮੀਤ ਸਿੰਘ, ਪੀ.ਪੀ.ਐਸ., ਸੀਨੀਅਰ ਕਪਤਾਨ ਪੁਲਿਸ, ਵਿਜੀਲੈਂਸ ਬਿਉਰੋ ਪੰਜਾਬ, ਬਠਿੰਡਾ ਰੇਂਜ, ਬਠਿੰਡਾ ਦੀ ਨਿਗਰਾਨੀ ਹੇਠ ਚਲਾਈ ਜਾ ਰਹੀ ਐਂਟੀ ਕੁਰੱਪਸ਼ਨ ਮੁਹਿੰਮ ਨੂੰ ਉਸ ਸਮੇਂ ਸਫਲਤਾ ਮਿਲੀ ਜਦੋਂ ਵਿਜੀਲੈਂਸ ਬਿਊਰੋ ਬਠਿੰਡਾ ਵੱਲੋਂ 05/04/2016 ਨੂੰ ਗਈ ਸ਼ਿਕਾਇਤ ਨੰਬਰ 67/2015 ਮਾਨਸਾ ਦੀ ਪੜਤਾਲ ਰਿਪੋਰਟ ਦੇ ਆਧਾਰ ਤੇ ਪਿਆਰਾ ਸਿੰਘ ਜ਼ਿਲ੍ਹਾ ਟਰਾਂਸਪੋਰਟ ਅਫਸਰ ਮਾਨਸਾ ਖਿਲਾਫ ਓਵਰ ਲੋਡ ਦੇ ਚਲਾਨਾਂ ਵਿਚ ਭੰਨਤੋੜ ਕਰਕੇ ਘੱਟ ਕੰਪਾਊਡਿੰਗ ਫੀਸ/ਜੁਰਮਾਨਾ ਵਸੂਲ ਕਰਨ ਅਤੇ ਇੱਕ ਵੈਨ ਨੂੰ ਬਣਦਾ ਬਕਾਇਆ ਟੈਕਸ ਵਸੂਲ ਕੀਤੀਆਂ ਰਲੀਜ਼ ਕਰਨ ਕਰਕੇ ਇਸ ਵਿਰੁੱਧ ਮੁਕੱਦਮਾ ਨੰਬਰ 08 ਮਿਤੀ 05/04/2016 ਅ/ਧ 409,420,467,468,471,120-ਬੀ.,ਆਈ.ਪੀ.ਸੀ. ਅਤੇ 13(1) ਡੀ. ਰ/ਵ 13(2) ਪੀ.ਸੀ. ਐਕਟ 1988, ਥਾਣਾ ਵਿਜੀਲੈਂਸ ਬਿਊਰੋ, ਬਠਿੰਡਾ ਰੇਂਜ, ਬਠਿੰਡਾ ਦਰਜ ਕੀਤਾ ਗਿਆ। ਪਰਮਜੀਤ ਸਿੰਘ, ਪੀ.ਪੀ.ਐਸ., ਡੀ.ਐਸ.ਪੀ. ਵਿਜੀਲੈਂਸ ਬਿਊਰੋ ਮਾਨਸਾ ਵੱਲੋਂ ਇਸ ਮੁਕੱਦਮਾ ਦੀ ਤਫਤੀਸ਼ ਕੀਤੀ ਜਾ ਰਹੀ ਹੈ।