ਏ.ਬੀ ਕਾਲਜ ਪਠਾਨਕੋਟ ਬਣਿਆ ਟੇਬਲ ਟੈਨਿਸ ਚੈਂਪੀਅਨ

ਅੰਮ੍ਰਿਤਸਰ, 8 ਸਤੰਬਰ (ਪੰਜਾਬ ਪੋਸਟ ਬਿਊਰੋ) – ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਬਹੁ-ਮੰਤਵੀ ਇੰਡੋਰ ਖੇਡ ਸਟੇਡੀਅਮ ਵਿਖੇ ਮਹਿਲਾਂ-ਪੁਰਸ਼ਾਂ ਦੇ ਏ ਤੇ ਬੀ ਡਵੀਜਨ 2 ਦਿਨਾਂ ਟੇਬਲ-ਟੇਨਿਸ ਮੁਕਾਬਲੇ ਅੱਜ ਤੋਂ ਸ਼ੁਰੂ ਹੋ ਗਏ।ਜਿਸ ਦੌਰਾਨ ਜੀਐਨਡੀਯੂ ਦੇ ਅਧਿਕਾਰਤ ਖੇਤਰ ਵਿੱਚ ਆਉਂਦੇ 8 ਜ਼ਿਲ੍ਹਿਆਂ ਦੇ ਕਾਲਜਾਂ ਦੀਆਂ ਮਹਿਲਾਂ-ਪੁਰਸ਼ ਟੀਮਾਂ ਹਿੱਸਾ ਲੈ ਰਹੀਆਂ ਹਨ। ਡਿਪਟੀ ਡਾਇਰੈਕਟਰ ਸਪੋਰਟਸ ਪ੍ਰੋਫ: ਡਾ. ਐਚ.ਐਸ ਰੰਧਾਵਾ ਦੇ ਦਿਸ਼ਾ ਨਿਰਦੇਸ਼ਾਂ ਅਤੇ ਇੰਚਾਰਜ ਕੋਚ ਮੈਡਮ ਰਾਜਵਿੰਦਰ ਕੋਰ ਦੀ ਦੇਖ-ਰੇਖ ਹੇਠ ਇੰਨ੍ਹਾਂ ਖੇਡ ਮੁਕਾਬਲਿਆਂ ਦਾ ਸ਼ੁੱਭਅਰੰਭ ਸੇਵਾ ਮੁਕਤ ਜੀ.ਐਨ.ਡੀ.ਯੂ ਅਧਿਕਾਰੀ ਪਿਸ਼ੌਰਾ ਸਿੰਘ ਧਾਰੀਵਾਲ ਤੇ ਮੈਡਮ ਮਨਦੀਪ ਕੌਰ ਨੇ ਖਿਡਾਰੀਆਂ ਨਾਲ ਜਾਣ-ਪਛਾਣ ਕਰਕੇ ਕੀਤਾ। ਮਹਿਲਾਵਾਂ ਦੇ ਬੀ ਡਵੀਜਨ ਦੇ ਵਰਗ ਵਿੱਚ ਏ.ਬੀ. ਕਾਲਜ ਪਠਾਨਕੋਟ ਮੋਹਰੀ ਰਹਿ ਕੇ ਚੈਂਪੀਅਨ ਬਣਿਆ।ਆਰ.ਕੇ. ਆਰੀਆ ਕਾਲਜ ਨਵਾਂਸ਼ਹਿਰ ਦੂਜੇ ਸਥਾਨ ਤੇ ਰਹਿ ਕੇ ਉਪ-ਜੇਤੂ ਜਦੋਂ ਕਿ ਬੀ.ਐਲ.ਐਸ ਕਾਲਜ ਫਾਰ ਗਰਲਜ਼ ਨਵਾਂਸ਼ਹਿਰ ਦੀ ਟੀਮ ਤੀਸਰੇ ਸਥਾਨ ਤੇ ਰਹੀ। ਜੇਤੂਆਂ ਨੂੰ ਇਨਾਮ ਤਕਸੀਮ ਕਰਨ ਦੀ ਰਸਮ ਪ੍ਰਬੰਧਕਾਂ ਵੱਲੋਂ ਅਦਾ ਕੀਤੀ ਗਈ। ਏ ਤੇ ਬੀ. ਡਵੀਜਨ ਦੇ ਬਾਕੀ ਫਾਈਨਲ ਮੁਕਾਬਲੇ 9 ਸਤੰਬਰ ਨੂੰ ਸਵੇਰੇ 9 ਵਜੇ ਆਯੋਜਿਤ ਹੋਣਗੇ। ਇਸ ਮੌਕੇ ਪਿਸ਼ੌਰਾ ਸਿੰਘ ਧਾਰੀਵਾਲ, ਕੋਚ ਰਾਜਵਿੰਦਰ ਕੌਰ, ਮਨਦੀਪ ਕੌਰ, ਸ਼ਮਸ਼ੇਰ ਸਿੰਘ ਵਡਾਲੀ, ਸ਼ੈਫੀ ਸੰਧੂ ਆਦਿ ਹਾਜਰ ਸਨ।