ਵਰਲਡ ਥਿਏਟਰ ਡੇਅ ‘ਤੇ ਨਾਟਸ਼ਾਲਾ ਮਨਾਵੇਗੀ 19ਵਾਂ ਸਥਾਪਨਾ ਦਿਵਸ

ਅੰਮ੍ਰਿਤਸਰ, 26 ਮਾਰਚ (ਪੰਜਾਬ ਪੋਸਟ- ਦਵਿੰਦਰ ਸਿੰਘ) – ਪੰਜਾਬ ਨਾਟਸ਼ਾਲਾ ਸੋਮਵਾਰ ਨੂੰ ਵਰਲਡ ਥਿਏਟਰ ਡੇਅ ਮੌਕੇ ਸੋਮਵਾਰ ਨੂੰ ਆਪਣਾ 19ਵਾਂ ਸਥਾਪਨਾ ਦਿਵਸ ਮਨਾਏਗੀ, ਜਿਸ ਲਈ ਨਾਟਸ਼ਾਲਾ ਨੂੰ ਸ਼ਾਨਦਾਰ ਤਰੀਕੇ ਵਲੋਂ ਸਜਾਇਆ ਜਾ ਰਿਹਾ ਹੈ।ਇਸ ਮੌਕੇ ਆਯੋਜਿਤ ਹੋਣ ਵਾਲੇ ਕਲਾਕਾਰ ਮਿਲਣੀ ਸਮਾਗਮ ਵਿੱਚ ਨਾਟਸ਼ਾਲਾ ਦੀ ਪੇਸ਼ਕਾਰੀ ਵਿੱਚ ਖਾਸ ਸਹਿਯੋਗ ਦੇਣ ਵਾਲੇ ਕਲਾਕਾਰਾਂ ਨੂੰ ਸਨਮਾਨਿਤ ਵੀ ਕੀਤਾ ਜਾਵੇਗਾ ।
ਜਿਕਰਯੋਗ ਹੈ ਕਿ ਨਾਟਸ਼ਾਲਾ ਦੀ ਸਥਾਪਨਾ 1998 ਵਿੱਚ ਖਾਲਸਾ ਕਾਲਜ ਦੇ ਸਾਹਮਣੇ ਸਥਿਤ ਜਤਿੰਦਰ ਸਿੰਘ ਬਰਾੜ ਦੀ ਫੈਕਟਰੀ ਵਿੱਚ ਕੀਤੀ ਗਈ ਸੀ।ਪੇਸ਼ੇ ਵਲੋਂ ਇੰਜੀਨੀਅਰ ਬਰਾੜ  ਨੇ ਥਿਏਟਰ ਨੂੰ ਨਵੀਂ ਦਿਸ਼ਾ ਦੇਣ ਲਈ ਆਪਣੀ ਇਸ ਫੈਕਟਰੀ ਨੂੰ ਹੀ ਨਾਟਸ਼ਾਲਾ ਬਣਾ ਦਿੱਤਾ। ਨਾਟਸ਼ਾਲਾ ਦਾ ਅੱਜ ਦੁਨੀਆ ਦੀਆਂ ਪ੍ਰਮੁੱਖ ਨਾਟਸ਼ਾਲਾਵਾਂ ਵਿੱਚ ਸ਼ੁਮਾਰ ਹੈ।ਨਾਟਸ਼ਾਲਾ  ਦੇ ਮੁੱਖੀ ਜਤਿੰਦਰ ਬਰਾੜ ਨੇ ਦੱਸਿਆ ਕਿ ਸ਼ਾਮ ਨੂੰ ਉਨ੍ਹਾਂ ਦੇ  ਲਿਖੇ ਪੰਜਾਬੀ ਨਾਟਕ ਡਾਟਰ ਆਫ ਬਿੰਨ ਦਾ ਮੰਚਨ ਕੀਤਾ ਜਾਵੇਗਾ ।