ਲੋਹੜੀ

ਆਈ ਆਈ ਲੋਹੜੀ ਵੀਰੇ ਆਈ ਆਈ ਲੋਹੜੀ
ਫੁੱਲਿਆਂ ਦੀ ਟੋਕਰੀ ਤੇ ਗੁੜ ਵਾਲੀ ਰੋੜੀ।

ਕਿਸੇ ਘਰ ਕਾਕਾ ਹੋਇਆ ਕਿਸੇ ਦਾ ਵਿਆਹ
ਖੁਸ਼ੀਆਂ ਨੇ ਚਾਰੇ ਪਾਸੇ ਗੋਡੇ ਗੋਡੇ ਚਾਅ।

ਮੁੰਡਿਆਂ ਨੂੰ ਗੁੱਡੀਆਂ ਉਡਾਉਣ ਨਾਲ ਭਾਅ ਏ
ਕੁੜੀਆਂ ਨੂੰ ਚੂੜੀਆਂ ਚੜ੍ਹਾਉਣ ਦਾ ਵੀ ਚਾਅ ਏ।

ਮੰਗਦੇ ਨੇ ਲੋਹੜੀ ਸਾਰੇ ਬੰਨ ਬੰਨ ਟੋਲੀਆਂ
ਲੋਹੜੀ ਦੇ ਸੁਣਾਉਣ ਗੀਤ ਪਾਉਣ ਕਈ ਬੋਲੀਆਂ।

ਤੋਤਲੇ ਜਿਹੇ ਗੀਤ ਗਾਈਏ ਅਸੀਂ ਨਿੱਕੇ ਬੱਚੇ
ਬੱਬੂ, ਧੋਨੀ, ਆਲਮ ਵੀ ਹੋ ਸਾਰੇ `ਕੱਠੇ

ਲੋਹੜੀ ਮੰਗੇ ਗਲੀ ਗਲੀ ਨਿੱਕੀ ਗੁਰਲੀਨ
ਮੁੰਗਫਲੀ ਵੀ ਚੱਬੇ ਭੁੱਗਾ ਸੇਕੇ ਉਹ ਸ਼ੌਕੀਨ।

ਸਾਲ ਪਿੱਛੋਂ ਆਏ ਲੋਹੜੀ ਖੁਸ਼ੀ ਖੁਸ਼ੀ ਲੰਘੇ
ਸਾਰਿਆਂ ਦੀ `ਮਰਕਸ ਪਾਲ` ਖੈਰ ਮੰਗੇ।
1301202302

ਮਰਕਸ ਪਾਲ ਗੁਮਟਾਲਾ
ਖਾਲਸਾ ਕਾਲਜ ਸੀਨੀ. ਸੈਕੰ. ਸਕੂਲ
ਅੰਮ੍ਰਿਤਸਰ। ਮੋ -9878883680