ਰਾਜ ਕੁਮਾਰ ਰਾਜੂ ਨੇ ਜਸਬੀਰ ਜੱਸ ਨੂੰ ਦਿੱਤੀ ਵਧਾਈ

ਪੱਟੀ 21 ਮਾਰਚ (ਅਵਤਾਰ ਸਿੰਘ ਢਿੱਲੋ, ਰਣਜੀਤ ਮਾਹਲਾ) –  ਰਾਜ ਕੁਮਾਰ ਰਾਜੁੂ ਜ਼ਿਲਾ ਪ੍ਰਧਾਨ ਵਾਲਮੀਕਿ ਸੰਗਠਨ ਆਪਣੇ ਸਾਥੀਆਂ ਸਮੇਤ ਜਸਬੀਰ ਸਿੰਘ ਜੱਸ ਪ੍ਰਧਾਨ ਟੈਕਸੀ ਯੂਨੀਅਨ ਨੂੰ ਉਨਾਂ ਦੇ ਮਾਤਾ ਦੇ ਨਗਰ ਕੌਂਸਲ ਚੋਣਾਂ ਵਿੱਚ ਸ਼ਾਨਦਾਰ ਜਿੱਤ ਪ੍ਰਾਪਤ ਕਰਕੇ ਕੌਂਸਲਰ ਬਣਨ ਦੀ ਖੁਸ਼ੀ ਵਿੱਚ ਵਧਾਈ ਦੇਣ ਪੁੱਜੇ।ਜ਼ਿਕਰਯੋਗ ਹੈ ਜਸਬੀਰ ਸਿੰਘ ਜੱਸ ਦੇ ਮਾਤਾ ਬੀਬੀ ਬਚਨ ਕੌਰ ਨਗਰ ਕੌਂਸਲ ਚੋਣਾਂ ਵਿੱਚ ਪੱਟੀ ਦੀ ਵਾਰਡ ਨੰ: 13 ਤੋਂ ਜਿੱਤ ਪ੍ਰਾਪਤ ਕਰਕੇ ਕੌਂਸਲਰ ਬਣੇ ਹਨ।ਇਸ ਮੌਕੇ ਜੱਸ ਨੂੰ ਵਧਾਈ ਦਿੰਦਿਆਂ ਰਾਜ ਕੁਮਾਰ ਰਾਜੂ ਨੇ ਕਿਹਾ ਕਿ ਬੀਬੀ ਬਚਨ ਕੌਰ ਬਹੁਤ ਹੀ ਮਿਹਨਤੀ ਅਤੇ ਇਮਾਨਦਾਰ ਹਨ ਅਤੇ ਉਨਾਂ ਦੀ ਅਗਵਾਈ ਵਿੱਚ ਵਾਰਡ ਦਾ ਸਰਵਪੱਖੀ ਵਿਕਾਸ ਹੋਵੇਗਾ ਅਤੇ ਉਹ ਵਾਰਡ ਵਿੱਚ ਅਕਾਲੀ ਦਲ ਦੀਆਂ ਜੜਾਂ ਹੋਰ ਮਜ਼ਬੂਤ ਕਰਨਗੇ।ਇਸ ਮੌਕੇ ਪੰਡਿਤ ਸੁਰੇਸ਼ ਕੁਮਾਰ ਕਾਲਕਾ ਮੰਡਲ, ਰਾਜਾ ਪਿੱਪਲ ਮੁਹੱਲਾ, ਚੇਅਰਮੈਨ ਲਖਬੀਰ ਸੰਧੂ, ਦੇਵੀ ਦਾਸ, ਬਲਵਿੰਦਰ ਸਿੰਘ, ਪ੍ਰਭਜੋਤ ਸਿੰਘ, ਦਰਬਾਰਾ ਸਿੰਘ ਕੁਲਦੀਪ ਸਿੰਘ, ਮੋਹਨ ਸਿੰਘ, ਜੋਰਾਵਰ ਸਿੰਘ ਅਤੇ ਗੁਰਿੰਦਰ ਸਿੰਘ ਆਦਿ ਹਾਜ਼ਿਰ ਸਨ।