ਰੈਡ ਕਰਾਸ ਸੋਸਾਇਟੀ ਵੱਲੋਂ ਚਲਾਏ ਜਾ ਰਹੇ ਸਕੂਲ `ਚ ਸਵੱਛ ਅਭਿਆਨ

ਪਠਾਨਕੋਟ, 8 ਮਈ (ਪੰਜਾਬ ਪੋਸਟ ਬਿਊਰੋ) – ਜ਼ਿਲਾ ਰੈਡ ਕਰਾਸ ਸੋਸਾਇਟੀ ਵੱਲੋਂ ਅੱਜ ਵਿਸਵ ਰੈਡ ਕਰਾਸ ਦਿਹਾੜੇ ਮਾਡਲ ਟਾਊਨ ਵਿਖੇ ਸਥਿਤ ਨੇਤਰਹੀਨ ਬੱਚਿਆਂ ਦੇ ਸਕੂਲ ਵਿੱਚ ਸਵੱਛ ਅਭਿਆਨ ਦੇ ਅਧੀਨ ਸਫਾਈ ਅਭਿਆਨ ਚਲਾਇਆ। ਜਿਸ ਦੀ ਪ੍ਰਧਾਨਗੀ ਜਿਲਾ ਰੈਡ ਕਰਾਸ ਦੇ ਸਕੱਤਰ ਪਰਸੋਤਮ ਲਾਲ ਨੇ ਕੀਤੀ।ਡਿਪਟੀ ਕਮਿਸ਼ਨਰ ਸ੍ਰੀਮਤੀ ਨੀਲਿਮਾ ਆਈ.ਏ.ਐਸ ਮੁੱਖ ਮਹਿਮਾਨ ਵਜੋਂ ਸਾਮਲ ਹੋਏ।ਇਸ ਦੋਰਾਨ ਵਿਸ਼ੇਸ ਬੱਚਿਆਂ ਵੱਲੋਂ ਮੁੱਖ ਮਹਿਮਾਨ ਦਾ ਸਵਾਗਤ ਫੁੱਲ ਭੇਂਟ ਕਰਕੇ ਕੀਤਾ।ਸਕੂਲ ਦੇ ਇੰਚਾਰਜ ਵਿਕਾਸ ਗੁਪਤਾ ਨੇ ਦੱਸਿਆ ਕਿ ਇਸ ਸਕੂਲ ਵਿੱਚ ਦੂਰ ਦਰਾਜ਼ ਤੋਂ ਬੱਚੇ ਪੜਨ ਲਈ ਆਉਂਦੇ ਹਨ ਅਤੇ ਇਸ ਦੇ ਨਾਲ ਹੀ ਉਨਾਂ ਨੂੰ ਆ ਰਹੀਆਂ ਪਰੇਸਾਨੀਆਂ ਤੋਂ ਵੀ ਜਾਣੂ ਕਰਵਾਇਆ।ਜਿਸ `ਤੇ ਡਿਪਟੀ ਕਮਿਸ਼ਨਰ ਨੇ ਭਰੋਸਾ ਦਿੱਤਾ ਕਿ ਉਨਾਂ ਨੂੰ ਆ ਰਹੀਆਂ ਮੁਸ਼ਕਲਾਂ ਨੂੰ ਜਲਦ ਹੀ ਦੂਰ ਕੀਤਾ ਜਾਵੇਗਾ।ਇਸ ਮੋਕੇ ਤੇ ਹੋਰਨਾਂ ਤੋਂ ਇਲਾਵਾ ਸਮੀਰ ਸਾਰਧਾ, ਵਿਜੈ ਪਾਸੀ, ਆਸਾ ਭਗਤ, ਇੰਦਰਜੀਤ ਕੌਰ, ਰਾਜੂ ਬਾਲਾ, ਨੀਨਾ ਅਤੇ ਹੋਰ ਹਾਜ਼ਰ ਸਨ।