ਅਮਰੀਕ ਜੱਸਲ ਨੇ `ਸੁਨੇਹਾ ਫਤਿਹਵੀਰ ਦਾ` ਗੀਤ `ਚ ਮਾਸੂਮ ਬੱਚੇ ਦੇ ਬੋਰਵੈਲ `ਚ ਡਿੱਗਣ ਦੇ ਦਰਦ ਨੂੰ ਬਿਆਨਿਆ

ਲੌਂਗੋਵਾਲ, 30 ਜੁਲਾਈ  (ਪੰਜਾਬ ਪੋਸਟ – ਜਗਸੀਰ ਲੌਂਗੋਵਾਲ) – ਸੁਰੀਲੇ ਗਾਇਕ ਅਮਰੀਕ ਜੱਸਲ ਦਾ ਹਾਲ ਹੀ `ਚ ਨਵਾਂ ਆਡੀਓ ਗੀਤ `ਸੁਨੇਹਾ ਫਤਿਹਵੀਰ ਦਾ` ਰਲੀਜ਼ ਹੋਇਆ ਹੈ।ਅਮਰੀਕ ਜੱਸਲ ਦੇ ਇਸ ਗੀਤ ਦੇ ਬੋਲ ਕੁਲਵਿੰਦਰ ਮਾਹੀ ਵਲੋਂ ਸ਼ਿੰਗਾਰੇ ਗਏ ਹਨ, ਜਿਸ ਨੂੰ ਮਿਊਜ਼ਿਕ ਟੀ.ਐਮ.ਟੀ ਨੇ ਦਿੱਤਾ ਹੈ।ਇਸ ਗੀਤ ਨੂੰ ਯੂ.ਕੇ ਐਂਜਲ ਰਿਕਾਰਡਜ਼ ਦੇ ਬੈਨਰ ਹੇਠ ਰਲੀਜ਼ ਕੀਤਾ ਗਿਆ ਹੈ।ਇਸ ਗੀਤ ਦੇ ਪ੍ਰੋਡਿਊਸਰ ਕੰਵਲ ਢਿਲੋਂ ਹਨ।
           ਦੱਸ ਦਈਏ ਕਿ ਇਸ ਗੀਤ `ਚ ਅਮਰੀਕ ਜੱਸਲ ਨੇ ਸੰਗਰੂਰ ਜ਼ਿਲ੍ਹੇ `ਚ ਫਹਿਤਵੀਰ ਨਾਂ ਦੇ ਮਾਸੂਮ ਬੱਚੇ ਦੇ ਬੋਰਵੈਲ `ਚ ਡਿੱਗਣ ਦੇ ਦਰਦ ਨੂੰ ਬਿਆਨ ਕੀਤਾ ਹੈ।ਇਸ ਗੀਤ `ਚ ਅਮਰੀਕ ਜੱਸਲ ਨੇ ਫਤਿਹਵੀਰ ਦੇ ਅਧੂਰੇ ਚਾਵਾਂ ਨੂੰ ਦੱਸਿਆ, ਜੋ ਸੁਣਨ `ਚ ਕਾਫੀ ਭਾਵੁਕ ਹਨ।ਫਹਿਤਵੀਰ ਆਪਣੇ ਇਕ-ਇਕ ਚਾਅ ਨੂੰ ਆਪਣੀ ਮਾਂ ਨੂੰ ਬਿਆਨ ਕਰਦਾ ਹੈ।ਉਮੀਦ ਕੀਤੀ ਜਾਂਦੀ ਹੈ ਕਿ ਅਮਰੀਕ ਜੱਸਲ ਦਾ ਇਹ ਗੀਤ ਲੋਕਾਂ ਦੀ ਪਸੰਦ `ਤੇ ਜ਼ਰੂਰ ਖਰਾ ਉਤਰੇਗਾ।