ਸਬ ਜੇਲ੍ਹ ਪਠਾਨਕੋਟ `ਚ ਧਾਰਮਿਕ ਸਮਾਗਮ ਕਰਵਾਇਆ ਗਿਆ

ਪਠਾਨਕੋਟ, 4 ਅਕਤੂਬਰ (ਪੰਜਾਬ ਪੋਸਟ ਬਿਊਰੋ) – ਏ.ਡੀ.ਜੀ.ਪੀ (ਜੇਲ੍ਹਾਂ) ਪੰਜਾਬ ਚੰਡੀਗੜ ਦੇ ਹੁਕਮਾਂ `ਤੇ ਸਬ ਜੇਲ੍ਹ ਪਠਾਨਕੋਟ `ਚ ਧਾਰਮਿਕ ਸਮਾਗਮ ਕਰਵਾਇਆ ਗਿਆ।ਜਿਸ ਦੌਰਾਨ ਗਿਆਨੀ ਗੁਰਦੀਪ ਸਿੰਘ, ਕਥਾ ਵਾਚਕ (ਫਿਰੋਜ਼ਪੁਰ ਵਾਲਿਆਂ) ਨੇ ਕਥਾ ਅਤੇ ਕੀਰਤਨ ਰਾਹੀਂ ਜੇਲ੍ਹ `ਚ ਬੰਦ ਕੈਦੀਆਂ ਨੂੰ ਨਿਹਾਲ ਕੀਤਾ।
          ਇਸ ਧਾਰਮਿਕ ਪ੍ਰੋਗਰਾਮ ਵਿੱਚ ਸਿੰਘ ਸਭ੍ਹਾ ਗੁਰੁਦੁਆਰਾ ਮਾਡਲ ਟਾਉਨ ਤੋਂ ਜਥੇਦਾਰ ਗੁਰਦੀਪ ਸਿੰਘ ਅਤੇ ਉਹਨਾਂ ਦੇ ਸਾਥੀਆਂ ਨੇ ਵੀ ਵਿਸ਼ੇਸ਼ ਤੌਰ `ਤੇ ਸ਼ਿਰਕਤ ਕੀਤੀ।ਪ੍ਰੋਗਰਾਮ ਵਿੱਚ ਜੀਵਨ ਠਾਕੁਰ, ਸੁਪਰਡੈਂਟ ਜੇਲ ਅਤੇ ਸਾਰਾ ਜੇਲ੍ਹ ਸਟਾਫ ਮੌਜੂਦ ਸੀ।ਜੀਵਨ ਠਾਕੁਰ ਸੁਪਰਡੰਟ ਜੇਲ੍ਹ ਨੇ ਬੰਦੀਆਂ ਨੂੰ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਵਲੋਂ ਦੱਸੇ ਮਾਰਗ `ਤੇ ਚੱਲਦਿਆਂ ਸੱਚ ਦੇ ਮਾਰਗ `ਤੇ ਚੱਲਣ, ਚੰਗਾ ਕੰਮ ਕਰਨ ਅਤੇ ਸਮਾਜ ਵਿੱਚ ਇੱਕ ਚੰਗੇ ਇਨਸਾਨ ਬਣ ਕੇ ਰਹਿਣ ਲਈ ਕਿਹਾ ਗਿਆ।ਪ੍ਰੋਗਰਾਮ ਉਪਰੰਤ ਜੇਲ੍ਹ ਵਿਖੇ ਧਾਰਮਿਕ ਸਮਾਗਮ `ਤੇ ਆਈਆਂ ਸ਼ਖਸ਼ੀਅਤਾਂ ਨੂੰ ਸਿਰੋਪਾ ਭੇਂਟ ਕਰਕੇ ਸਨਮਾਨਿਤ ਕੀਤਾ ਗਿਆ।ਉਪਰੰਤ ਕੜਾਹ ਪ੍ਰਸਾਦ ਅਤੇ ਲੰਗਰ ਵਰਤਾਇਆ ਗਿਆ।