ਘੁਬਾਇਆ ਦੀ ਅਗਵਾਈ ‘ਚ ਰੇਲਵੇ ਮੰਤਰੀ ਨੂੰ ਮਿਲਿਆ ਨਾਰਦਰਨ ਰੇਲਵੇ ਪੇਸੇਂਜਰ ਕਮੇਟੀ ਦਾ ਵਫ਼ਦ

ਮੰਤਰੀ ਨੇ ਮੰਗਪਤਰ ‘ਤੇ ਜਤਾਈ ਸਹਮਤੀ, ਜਲਦ ਕਾਰਵਾਈ ਕਰਨ ਦਾ ਦਿੱਤਾ ਭਰੋਸਾ

ਫਾਜਿਲਕਾ, 30 ਸਿਤੰਬਰ (ਵਿਨੀਤ ਅਰੋੜਾ)- ਫਿਰੋਜਪੁਰ ਦੇ ਪਾਰਲੀਮਾਨੀ ਮੈਂਬਰ ਸ਼ੇਰ ਸਿੰਘ ਘੁਬਾਇਆ ਦੀ ਅਗਵਾਈ ਵਿੱਚ ਨਾਰਦਰਨ ਰੇਲਵੇ ਪੇਸੇਂਜਰ ਸਮਿਤੀ ਦਾ ਇੱਕ ਵਫ਼ਦ ਭਾਰਤ ਸਰਕਾਰ ਦੇ ਰੇਲਵੇ ਮੰਤਰੀ ਸਦਾਨੰਦ ਗੌੜਾ ਨੂੰ ਸੋਮਵਾਰ ਨੂੰ ਦਿੱਲੀ ਵਿੱਚ ਰੇਲ ਭਵਨ ਵਿੱਚ ਮਿਲਕੇ ਖੇਤਰ ਦੀ ਵੱਖ-ਵੱਖ ਰੇਲਵੇ ਦੀਆਂ ਸਮਸਿਆਵਾਂ ਤੋਂ ਜਾਣੂ ਕਰਵਾਇਆ।ਵਫ਼ਦ ਵਿੱਚ ਸਮਿਤੀ ਦੇ ਪ੍ਰਧਾਨ ਡਾ. ਅਮਰ ਲਾਲ ਬਾਘਲਾ, ਉਪ ਪ੍ਰਧਾਨ ਰਾਜਪਾਲ ਗੁੰਬਰ, ਜਨਰਲ ਸਕਤਰ ਐਡਵੋਕੇਟ ਬਾਬੂ ਰਾਮ, ਸਕੱਤਰ ਸ਼ਾਮ ਲਾਲ ਗੋਇਲ, ਸਕੱਤਰ ਦੀਨਾਨਾਥ ਡੋਡਾ, ਕਾਮਰੇਡ ਸ਼ਕਤੀ, ਸੋਸ਼ਲ ਵੇਲਫੇਅਰ ਸੋਸਾਇਟੀ ਦੇ ਪ੍ਰਧਾਨ ਰਾਜ ਕਿਸ਼ੋਰ ਕਾਲੜਾ, ਅਮ੍ਰਿਤ ਲਾਲ ਕਰੀਰ, ਰਾਜ ਸਭਾ ਦੇ ਸਾਬਕਾ ਸਕੱਤਰ ਸੁਰਿੰਦਰ ਕੁਮਾਰ ਵਾਟਸ ਆਦਿ ਸ਼ਾਮਿਲ ਸਨ।ਵਫ਼ਦ ਨੇ ਮੰਤਰੀ ਨੂੰ ਦੱਸਿਆ ਕਿ ਫਾਜਿਲਕਾ ਇੱਕ ਸਰਹੱਦੀ ਇਲਾਕਾ ਹੈ ਇੱਥੇ ਆਰਮੀ, ਬੀਏਸਐਫ ਹੈਡਕਵਾਰਟਰ ਹਨ, ਜਿਲਾ ਹੇਡਕਵਾਰਟਰ ਵੀ ਹੈ ਪਰ ਰੇਲਵੇ ਦੀਆਂ ਸਹੂਲਤਾਂ ਤੋਂ ਕਾਫ਼ੀ ਪਛੜਿਆ ਹੋਇਆ ਹੈ।ਵਫ਼ਦ ਨੇ ਉਨ੍ਹਾਂ ਨੂੰ ਨਾਰਦਰਨ ਰੇਲਵੇ ਫਿਰੋਜਪੁਰ ਡਿਵਿਜਨ ਦੀਆਂ ਵੱਖ-ਵੱਖ ਸਮਸਿਆਵਾਂ ਤੋਂ ਜਾਣੂ ਕਰਵਾਇਆ।ਜਿਨ੍ਹਾਂ ਵਿਚੋਂ ਫਾਜਿਲਕਾ ਸਟੇਸ਼ਨ ਉੱਤੇ ਵਾਸ਼ਿੰਗ ਲਾਈਨ ਨੂੰ ਮੁੜ ਸਥਾਪਤ ਕਰਣਾ ਇਹ ਵਾਸ਼ਿੰਗ 1947 ਤੋਂ ਪਹਿਲਾ ਤੋਂ ਲੈ ਕੇ 1990 ਤੱਕ ਸੀ ਪਰ ਮੀਟਰਗੇਜ ਤੋਂ ਬਰਾਡਗੇਜ ਲਾਈਨ ਨੂੰ ਬਦਲਦੇ ਸਮੇਂ ਉਖਾੜ ਦਿੱਤਾ ਗਿਆ।ਵਾਸ਼ਿੰਗ ਲਾਈਨ ਨਾ ਹੋਣ ਦੇ ਕਾਰਨ ਫਾਜਿਲਕਾ ਤੋਂ ਲੰਬੇ ਰੂਟ ਦੀਆਂ ਗੱਡੀਆਂ ਨਹੀਂ ਚੱਲ ਪਾ ਰਹੀਆਂ। ਫਾਜਿਲਕਾ ਤੋਂ ਬਠਿੰਡਾ, ਜਲੰਧਰ, ਲੁਧਿਆਣਾ, ਬਿਆਸ, ਫਿਰੋਜਪੁਰ ਨੂੰ ਜਾਣ ਵਾਲੀਆਂ ਡੀਐਮਯੂ ਗੱਡੀਆਂ ਵਿੱਚ ਡਿੱਬਿਆਂ ਦਾ ਘੱਟ ਹੋਣਾ ਅਤੇ ਉਨ੍ਹਾਂ ਵਿੱਚ ਪਖਾਣਾ ਨਾ ਹੋਣ ਨਾਲ ਪੈਦਾ ਮੁਸਾਫਰਾਂ ਨੂੰ ਆਉਣ ਵਾਲੀ ਸਮੱਸਿਆਵਾਂ ਵੀ ਦੱਸੀਆਂ ਮੰਤਰੀ ਜੀ ਨੂੰ ਇਹ ਵੀ ਦੱਸਿਆ ਗਿਆ ਕਿ 2012 ਵਿੱਚ ਫਾਜਿਲਕਾ – ਅਬੋਹਰ ਦੇ ਵਿਚਕਾਰ ਵਿੱਚ ਇੱਕ ਨਵਾਂ ਰੇਲ ਟ੍ਰੈਕ ਚਲਾਇਆ ਗਿਆ ਸੀ ਪਰ ਉਸ ਉੱਤੇ ਕੇਵਲ ਦੋ ਹੀ ਸਮੇਂ ਗੱਡੀਆਂ ਚੱਲਦੀਆਂ ਹਨ ਜੇਕਰ ਇਸ ਰੂਟ ਉੱਤੇ ਹੋਰ ਗੱਡੀਆਂ ਚਲਾਈਆਂ ਜਾਣ ਤਾਂ ਮੁਸਾਫਰਾਂ ਨੂੰ ਫਾਇਦਾ ਹੋਵੇਗਾ ਉਸਦੇ ਨਾਲ – ਾਲ ਰੇਲਵੇ ਵਿਭਾਗ ਦੀ ਕਮਾਈ ਵਿੱਚ ਵੀ ਬਹੁਤ ਵਾਧਾ ਹੋਵੇਗਾ ।ਚੰਡੀਗੜ ਤੋਂ ਫਿਰੋਜਪੁਰ ਆਉਣ ਵਾਲੀ ਗੱਡੀ ਨੂੰ ਫਾਜਿਲਕਾ ਤੱਕ ਜੋੜਿਆ ਜਾਵੇ, ਫਾਜਿਲਕਾ ਤੋਂ ਕੋਟਕਪੂਰੇਦੇ ਵਿਚਕਾਰ ਮੀਟਰਗੇਜ ਦੇ ਪਲੇਟਫਾਰਮਾਂ ਨੂੰ ਉਂਚਾ ਕੀਤਾ ਜਾਵੇ, ਸ਼੍ਰੀਗੰਗਾਨਗਰ ਤੋਂ ਜੰਮੂ ਜਾਣ ਵਾਲੀ ਹਫ਼ਤਾਵਾਰ ਗੱਡੀ ਫਾਜਿਲਕਾ ਤੋਂ ਹੋਕੇ ਜਾਂਦੀ ਸੀ ਪਰ ਪਹਿਲੀ ਸਿਤੰਬਰ ਤੋਂ ਇਸਦਾ ਰੂਟ ਬਦਲ ਕੇ ਅਬੋਹਰ-ਬਠਿੰਡਾ ਕੀਤਾ ਗਿਆ ਹੈ ਜਿਸਦੇ ਨਾਲ ਇਸ ਖੇਤਰ ਦੇ ਮੁਸਾਫਰਾਂ ਨੂੰ ਜੰਮੂ ਅਤੇ ਮਾਤਾ ਵੈਸ਼ਣੋ ਦੇਵੀ ਦੇ ਦਰਸ਼ਨ ਕਰਣ ਲਈ ਬਹੁਤ ਮੁਸ਼ਕਲਾਂ ਆ ਰਹੀਆਂ ਹਨ।ਪੁਰਾਣੇ ਟਾਇਮ ਟੇਬਲ ਦੇ ਅਨੁਸਾਰ ਹੀ ਸ਼੍ਰੀਗੰਗਾਨਗਰ-ਜੰਮੂ ਗੱਡੀ ਨੂੰ ਵਾਇਆ ਫਾਜਿਲਕਾ ਹਰ ਰੋਜ਼ ਚਲਾਇਆ ਜਾਵੇ ।ਇਸ ਤੋਂ ਇਲਾਵਾ ਹਰਦੁਆਰ, ਨਾਂਦੇੜ ਸਾਹਿਬ, ਬਿਆਸ ਲਈ ਵੀ ਗੱਡੀਆਂ ਚਲਾਈਆਂ ਜਾਣ।ਮੰਤਰੀ ਜੀ ਨੇ ਇਨਾਂ ਮੰਗਾਂ ਉੱਤੇ ਆਪਣੀ ਸਹਿਮਤੀ ਪ੍ਰਗਟ ਕੀਤੀ ਅਤੇ ਉਸੀ ਸਮੇਂ ਹੀ ਮੰਗਪੱਤਰ ਨੂੰ ਸੰਸਦਾਂ ਦੀ ਬਣੀ ਹੋਈ ਰੇਲਵੇ ਕਮੇਟੀ ਨੂੰ ਰਿਪੋਰਟ ਭੇਜਣ ਲਈ ਕਿਹਾ।ਉਨ੍ਹਾਂ ਨੇ ਭਰੋਸਾ ਦਵਾਇਆ ਕਿ ਉਨ੍ਹਾਂ ਦੀ ਮੰਗਾਂ ਨੂੰ ਜਲਦੀ ਪੂਰਾ ਕੀਤਾ ਜਾਵੇਗਾ ।