ਕੋਰੋਨਿਆ, ਓ ਕੋਰੋਨਿਆ
ਪਤਾ ਨਹੀਂ ਤੈਨੂੰ ਤੇਰੀ ਮਾਂ ਨੇ
ਕੀ ਖਾ ਕੇ ਹੈ ਜ਼ੰਮਿਆ?
ਤੂੰ ਕੱਲੇ ਨੇ ਲੱਖਾਂ ਦਾ ਨੱਕ ‘ਚ ਦਮ
ਕਰ ਛੱਡਿਆ ਹੈ ਨਿਕੰਮਿਆ।
ਜਿਸ ਦੇ ਸਰੀਰ ‘ਚ ਤੂੰ
ਇਕ ਵਾਰੀ ਵੜ ਜਾਵੇਂ,
ਉਸ ਦੇ ਸਰੀਰ ‘ਚੋਂ
ਕਈ ਕਈ ਦਿਨ ਨਾ ਬਾਹਰ ਆਵੇਂ।
ਵਿਗਿਆਨੀਆਂ ਨੂੰ ਵੀ
ਤੂੰ ਚਿੰਤਾ ‘ਚ ਪਾ ਦਿੱਤਾ ਹੈ।
ਡਾਕਟਰਾਂ ਤੇ ਨਰਸਾਂ ਨੂੰ
ਦਿਨ ਰਾਤ ਕਿੱਤੇ ਲਾ ਦਿੱਤਾ ਹੈ।
ਦੋ ਜਣੇ ਇਕ ਦੂਜੇ ਕੋਲ ਖੜ ਕੇ
ਕਰ ਨਹੀਂ ਸਕਦੇ ਗੱਲ ਵੀ।
ਇਕ ਦੂਜੇ ਨਾਲ ਗੱਲ ਕਰਨ ‘ਤੇ
ਤੂੰ ਲਾ ਦਿੱਤੀ ਹੈ ਪਾਬੰਦੀ ਹੀ।
ਦੁਕਾਨਾਂ, ਕਾਰਖਾਨੇ ਤੇ ਵਿਦਿਅਕ ਅਦਾਰੇ
ਤੂੰ ਬੰਦ ਕਰਵਾ ਦਿੱਤੇ।
ਕਈ ਥਾਵਾਂ ਤੇ ਬੰਦੇ ਤੂੰ
ਭੁੱਖ ਨਾਲ ਮਰਵਾ ਦਿੱਤੇ।
ਯਾਦ ਰੱਖ, ਅੱਤ ਚੁੱਕਣ ਵਾਲੇ ਦਾ
ਅੰਤ ਬੁਰਾ ਹੁੰਦਾ ਹੈ।
ਅੱਕੇ ਹੋਏ ਮਨੁੱਖ ਨੇ
ਤੈਨੂੰ ਮੁਕਾਣ ਦਾ
ਹੱਲ ਲੈਣਾ ਹੈ ਲੱਭ।
ਤੈਨੂੰ ਮੁਕਾ ਕੇ ਫਿਰ
ਕੱਠੇ ਰਹਿਣਗੇ ਲੋਕ ਸਭ।
ਮਹਿੰਦਰ ਸਿੰਘ ਮਾਨ
ਪਿੰਡ ਤੇ ਡਾਕ ਰੱਕੜਾਂ ਢਾਹਾ।
ਮੋ – 9915803554