ਕਰੋਨਾ ਬਲਵਾਨ

ਕੱਲ੍ਹ ਤੱਕ ਮੂੰਹ ਸੀ ਜਿਹੜੇ ਰੁਮਾਲ ਬੰਨ੍ਹਦੇ
ਕਰ ਦੇਂਦੀ ਸੀ ਪੁਲਿਸ ਚਲਾਨ ਪਿਆਰੇ,
ਅੱਜ ਮੂੰਹ ਨੁੰ ਜਿਹੜਾ ਨਾ ਢੱਕ ਨਿਕਲੇ
ਪੁਲਿਸ ਕੁੱਟਦੀ ਰੜੇ ਮੈਦਾਨ ਪਿਆਰੇ,
ਦਿਨਾਂ ਵਿੱਚ ਕਨੂੰਨ ਨੇ ਬਦਲ ਜਾਂਦੇ
ਹੱਥ ਜੋੜ ਕੇ ਕੈਦੀ ਹਨ ਬਾਹਰ ਕੱਢੇ,
ਪਸਨਾਵਾਲੀਆ ਬੁਰਜ਼ ਮੀਨਾਰ ਢਾਹ ਲਏ
ਨਿੱਕੂ ਕਰੋਨਾ ਹੈ ਕਿੰਨਾ ਬਲਵਾਨ ਪਿਆਰੇ।

ਜਿਸਦਾ ਗੋਡਾ ਸੀ ਜੱਗ ਦੀ ਧੌਣ ਉਤੇ
ਉਹ ਅਮਰੀਕਾ ਕਰੋਨੇ ਨੇ ਰੋਲਿਆ ਜੀ,
ਇੱਕ ਕਬਰ ਵਿੱਚ ਦੋ ਸੌ ਪਏ ਮੁਰਦੇ
ਬੂਹਾ ਹਸ਼ਰ ਕਰੋਨੇ ਨੇ ਖੋਲਿਆ ਜੀ,
ਟਰੰਪ ਚੀਨ ਨੂੰ ਦੇਵੇ ਗਿੱਦੜ ਭਬਕੀ,
ਵੂਹਾਨ ਸ਼ਹਿਰ ਨੂੰ ਕਹੇ ਉਡਾ ਦਿਆਂਗਾ,
ਪਸਨਾਵਾਲੀਆ ਚੀਨ ਹੈ ਅਨੰਦ ਕਰਦਾ
ਮੂੰਹ ਉਸ ਨੇ ਕਦੇ ਨਾ ਖੋਲਿਆ ਜੀ।

ਸੁੱਚਾ ਸਿੰਘ ਪਸਨਾਵਾਲ
ਮੋ – 99150 33740