ਤਾਰਾ ਵਿਵੇਕ ਕਾਲਜ ਵਲੋਂ ਇਕ ਰੋਜ਼ਾ ਟਰਿੱਪ ਦਾ ਆਯੋਜਨ

ਜੌੜੇਪੁਲ ਜਰਗ, 19 ਮਈ (ਨਰਪਿੰਦਰ ਬੈਨੀਪਾਲ) – ਤਾਰਾ ਵਿਵੇਕ ਕਾਲਜ ਗੱਜਣਮਾਜਰਾ ਵਿਖੇ ਸੰਸਥਾ ਦੇ ਸਰਪ੍ਰਸਤ ਡਾ. ਪਰਮਿੰਦਰ ਕੌਰ ਮੰਡੇਰ, ਪ੍ਰਿੰਸੀਪਲ ਡਾ. ਜਗਦੀਪ ਕੌਰ, ਵਾਈਸ ਪ੍ਰਿੰਸੀਪਲ ਮੁਹੰਮਦ ਹਲੀਮ ਸਿਆਮਾ ਦੀ ਅਗਵਾਈ ਹੇਠ ਇਕ ਰੋਜ਼ਾ ਟੂਰ ਦਾ ਆਯੋਜਨ ਕੀਤਾ ਗਿਆ।ਵਿਦਿਆਰਥੀਆਂ ਨੂੰ ਸ੍ਰੀ ਆਨੰਦਪੁਰ ਸਾਹਿਬ ਅਤੇ ਵਿਰਾਸਤ-ਏ-ਖਾਲਸਾ ਵਿਖੇ ਲਿਜਾਇਆ ਗਿਆ।ਬੱਚਿਆਂ ਨੇ ਸ੍ਰੀ ਆਨੰਦਪੁਰ ਸਾਹਿਬ ਵਿਖੇ ਬੜੀ ਸ਼ਰਧਾ ਨਾਲ ਮੱਥਾ ਟੇਕਿਆ ਅਤੇ ਵਿਰਸਾਤ-ਏ-ਖਾਲਸਾ ਦੀਆਂ ਵੱਖ-ਵੱਖ ਗੈਲਰੀਆਂ ਵਿੱਚ ਉਨਾਂ ਨੇ ਪੰਜਾਬੀ ਵਿਰਸਾ, ਸਿੱਖ ਗੁਰੂ ਸਾਹਿਬਾਨਾਂ ਦੇ ਜੀਵਨ, ਲਾਹੌਰ ਰਾਜ, ਅੰਗਰੇਜ਼ਾਂ ਦਾ ਰਾਜ, ਅਕਾਲੀ ਅੰਦੋਲਨ ਅਤੇ ਪੰਜਾਬ ਦੀ ਵੰਡ ਨਾਲ ਸਬੰਧਿਤ ਇਤਿਹਾਸ ਨੂੰ ਜਾਣਿਆ।ਵਾਪਸੀ ਸਮੇਂ ਵਿਦਿਆਰਥੀਆਂ ਲਈ ਹੈਰੀਟੇਜ਼ ਹਵੇਲੀ ਰੋਪੜ ਵਿੱਚ ਲੰਚ ਅਤੇ ਡੀ.ਜੇ ਪਾਰਟੀ ਦਾ ਪ੍ਬੰਧ ਕੀਤਾ ਗਿਆ।ਕਾਲਜ ਦੇ ਪੋ੍: ਇਕਬਾਲ ਸਿੰਘ, ਪੋ੍: ਰਮਨ ਕੁਮਾਰ, ਪ੍ਰੋ. ਖੜਕ ਸਿੰਘ, ਪ੍ਰੋ. ਨਿਰਮਲਜੀਤ ਕੌਰ ਅਤੇ ਪ੍ਰੋ. ਲਵਪ੍ਰੀਤ ਕੌਰ ਨੇ ਵਿਦਿਆਰਥੀਆਂ ਦੇ ਟਰਿੱਪ ਨੂੰ ਸਫਲ ਅਤੇ ਯਾਦਗਾਰੀ ਬਣਾਉਣ ਵਿੱਚ ਆਪਣਾ ਯੋਗਦਾਨ ਪਾਇਆ।