Thursday, June 19, 2025
Breaking News

ਸੋਚ ਦੇ ਪਰਿੰਦੇ

ਇੱਕ ਫੋਰੇ, ਦੁਨੀਆਂ ਬਿਆਨ ਕਰ ਦੇਵਾਂ
ਇੱਕ ਪਲ, ਵਿੱਚ ਸੁਪਨੇ ਸਾਕਾਰ ਕਰ ਦੇਵਾਂ
ਰੱਬੀ ਦੇਖਕੇ ਨਜ਼ਾਰੇ, ਟੁੱਟ ਜਾਂਦੇ ਅਕਲਾਂ ਦੇ ਜ਼ਿੰਦੇ
ਬੜੀ ਦੂਰ ਜਾਂਦੇ ਮੇਰੀ ਸੋਚ ਦੇ ਪਰਿੰਦੇ।
ਮਚਲਦਾ ਏ ਦਿਲ, ਰੰਗ ਦੇਖ ਕੁਦਰਤੀ
ਇੱਕ ਹੀ ਨਜ਼ਾਰਾ ਤੱਕਾਂ, ਟਿਕਦੀ ਏ ਸੁਰਤੀ
ਜਿਉਣ ਦੀ ਤਮੰਨਾ ਆਓਂਦੀ
ਮਿਲਦੇ ਆ ਜਦੋਂ ਯਾਰਾਂ ਦੇ ਕੰਧੇ
ਬੜੀ ਦੂਰ ਜਾਂਦੇ ਮੇਰੀ ਸੋਚ ਦੇ ਪਰਿੰਦੇ।
ਦੁੱਖਾਂ-ਸੁੱਖਾਂ ਦੇ ਪਰੋ ਮੋਤੀ, ਬਣੀ ਜ਼ਿੰਦਗੀ ਦੀ ਮਾਲਾ
ਢਹਿ ਜਾਂਦਾ ਦਿਲ, ਕਿਤੇ ਵਿੱਚ ਉਡਦਾ ਬਹਾਰਾਂ
ਪੈਰ ਧਰੀਏ ਨਾ ਓਥੇ, ਜਿਥੇ ਹੋਈਏ ਸ਼ਰਮਿੰਦੇ
ਬੜੀ ਦੂਰ ਜਾਂਦੇ ਮੇਰੀ ਸੋਚ ਦੇ ਪਰਿੰਦੇ।
ਮੰਗਦੇ ਆ ਅਜ਼ਾਦੀ, ਹਰ ਪਲ ਹਵਾਵਾਂ ਦੀ
ਦਿਲ ਵਿੱਚ ਆਵੇ ਜੋ, ਬੱਸ ਲਿਖ ਹੀ ਦਿੰਦੇ
ਪਿੰਜ਼ਰੇ `ਚ ਬੰਦ ਨਾ ਹੁੰਦੇ, ਕਲਮ ਮੇਰੀ ਦੇ ਪਰਿੰਦੇ
ਬੜੀ ਦੂਰ ਜਾਂਦੇ, ਮੇਰੀ ਸੋਚ ਦੇ ਪਰਿੰਦੇ।
ਕਵਿਤਾ 0906202402

ਸੰਦੀਪ ਸਿੱਧੂ ਬਡਰੁੱਖਾਂ

Check Also

ਖਾਲਸਾ ਕਾਲਜ ਲਾਅ ਦੇ ਵਿਦਿਆਰਥੀਆਂ ਨੇ ’ਵਰਸਿਟੀ ਦੇ ਵੱਖ-ਵੱਖ ਇਮਤਿਹਾਨਾਂ ’ਚ ਮਾਰੀਆਂ ਮੱਲ੍ਹਾਂ

ਅੰਮ੍ਰਿਤਸਰ, 18 ਜੂਨ (ਸੁਖਬੀਰ ਸਿੰਘ ਖੁਰਮਣੀਆਂ) – ਖ਼ਾਲਸਾ ਕਾਲਜ ਆਫ਼ ਲਾਅ ਦੇ ਵਿਦਿਆਰਥੀਆਂ ਨੇ ਗੁਰੂ …