ਕੇਜਰੀਵਾਲ ਦੀ ਪੱਟੀ ਫੇਰੀ ਨੇ ਅਕਾਲੀ ਕਾਂਗਰਸੀ ਸੁੱਕਣੇ ਪਾਏ -ਸਰਤਾਜ

ਪੱਟੀ, 29 ਫਰਵਰੀ (ਅਵਤਾਰ ਸਿੰਘ ਢਿੱਲੋ, ਰਣਜੀਤ ਮਾਹਲਾ) – ਆਮ ਆਦਮੀ ਪਾਰਟੀ ਦੇ ਰਾਸ਼ਟਰੀ ਕਨਵੀਨਰ ਅਤੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦਰ ਕੇਜਰੀਵਾਲ ਦੇ ਪੰਜਾਬ ਦੇ ਪੰਜ ਦਿਨਾ ਫੇਰੀ ਦੌਰਾਨ ਹਰੀਕੇ ਵਿੱਚ ਰੱਖੇ ਗਏ ਸੁਆਗਤ ਸਮਾਗਮ ‘ਚ ਇਲਾਕੇ ਭਰ ਤੋ ਪੁੱਜੇ ਲੋਕਾਂ ਵੱਲੋ ਆਪ ਮੁਹਾਰੇ ਪਹੁੰਚ ਕੇ ਆਪ ‘ਚ ਭਰੋਸਾ ਪ੍ਰਗਟ ਕਰਨ ਲਈ ਸਰਤਾਜ ਸਿੰਘ ਸੰਧੂ ਜੋਨ ਕਨਵੀਨਰ ਕਿਸਾਨ ਵਿੰਗ ਵੱਲੋ ਲੋਕਾਂ ਦਾ ਧੰਨਵਾਦ ਕੀਤਾ ਗਿਆ।ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਸਰਤਾਜ ਸਿੰਘ ਸੰਧੂ ਨੇ ਕਿਹਾ ਕਿ ਪੱਟੀ ਹਲਕੇ ਵਿੱਚ ਮਜੂਦਾ ਸਰਕਾਰ ਨਸ਼ੇ ਨੂੰ ਰੋਕਣ ਵਿੱਚ ਅਸਫਲ ਰਹੀ ਹੈ।ਨਸ਼ਾ ਰੁਕਣ ਦੀ ਬਜਾਏ ਦਿਨੋ ਦਿਨ ਵਧਦਾ ਜਾ ਰਿਹਾਾ ਹੈ, ਜਿਸ ਨਾਲ ਘਰਾਂ ਦੇ ਘਰ ਬਰਬਾਦ ਹੋ ਗਏ ਹਨ।ਲੋਕ ਅਕਾਲੀ ਭਾਜਪਾ ਸਰਕਾਰ ਦੀਆ ਨੀਤੀਆਂ ਤੋ ਬਹੁਤ ਦੁੱਖੀ ਹਨ, ਜਿਸ ਕਰਕੇ ਆਮ ਲੋਕਾ ਰੁਝਾਨ ਆਮ ਆਦਮੀ ਪਾਰਟੀ ਵੱਲ ਵੱਧ ਗਿਆ ਹੈ। ਇਸ ਮੋਕੇ ਸਰਤਾਜ ਸਿੰਘ ਸੰਧੂ ਨੇ ਕਿਹਾ ਕਿ ਕੇਜਰੀਵਾਲ ਪੰਜਾਬ ਕਾਹਦਾ ਆਇਆ, ਕਾਂਗਰਸ ਤੇ ਅਕਾਲੀਆਂ ਨੂੰ ਨੀਦ ਨਹੀ ਆ ਰਹੀ, ਇਹ ਦੋਵੇ ਪਾਰਟੀਆਂ ਆਮ ਆਮ ਆਦਮੀ ਪਾਰਟੀ ਨੂੰ ਕਿਸੇ ਨਾ ਕਿਸੇ ਤਰੀਕੇ ਬਦਨਾਮ ਕਰਨਾ ਚਾਹੁੰਦੀਆ ਨੇ।ਇਸ ਮੋਕੇ ਤੇ ਸਵਰਨ ਸਿੰਘ, ਸੰਦੀਪ ਸਿੰਘ, ਰਮਨਦੀਪ ਸਿੰਘ, ਸੁਖਦੇਵ ਸਿੰਘ, ਸਮਦੀਪ ਸਿੰਘ,ਰਮਨਦੀਪ ਸਿੰਘ, ਸੁਖਦੇਵ ਸਿੰਘ, ਗੁਰਵਿੰਦਰ ਸਿੰਘ ਤੇ ਤੇਜਾ ਸਿੰਘ ਆਦਿ ਹਾਜਰ ਸਨ।