ਲੋਹੜੀ ਸ਼ਗਨਾਂ ਦੀ ਵਿਹੜੇ ਦੇ ਵਿੱਚ ਆਈ,
ਨਿੱਕੀਆਂ ਵੱਡੀਆਂ ਪਰੀਆਂ ਰਲ ਕੇ, ਪੂਰੀ ਰੌਣਕ ਲਾਈ,
ਜੀ ਲੋਹੜੀ ਸ਼ਗਨਾਂ ਦੀ….।
ਬੇਬੇ ਨੇ ਵੀ ਦਾਣੇ ਭੁੰਨੇ, ਮਖਾਣੇ ਵਿੱਚ ਰਲਾਏ,
ਬਾਪੂ ਨੇ ਭਾਨ ਕਰਾਇਆ, ਵੰਡਣ ਨੂੰ ਨੋਟ ਭਨਾਏ।
ਲੋਹੜੀ ਮੰਗਣ ਹੱਸਣ ਗਾਵਣ, ਸੁੰਦਰ ਮੁੰਦਰੀਏ ਜਾਣ ਸੁਣਾਈ,
ਜੀ ਲੋਹੜੀ ਸ਼ਗਨਾਂ ਦੀ ……।
ਪੁੱਤਾਂ ਦੀ ਮਨਾਓ ਲੋਹੜੀ, ਪਰ ਧੀਆਂ ਨੂੰ ਵੀ ਸਤਿਕਾਰਿਓ,
ਮਨਾਓ ਇਹਨਾਂ ਦੀ ਲੋਹੜੀ ਵੀ, ਤੇ ਪੰਜ ਪਤਾਸੇ ਵਾਰਿਓ
ਘਰ ਦੀ ਰੌਣਕ ਕਹਿੰਦੇ ਧੀਅ ਨੂੰ, ਨੱਚ ਨੱਚ ਬੋਲੀਆਂ ਜਾਵਣ ਪਾਈ,
ਜੀ ਲੋਹੜੀ ਸ਼ਗਨਾਂ ਦੀ ……।
ਘਰਾਂ ਨੂੰ ਜਨਤ ਬਣਾ ਦੇਵਣ, ਘਰ ਲੱਗਣ ਸੁੰਨੇ ਧੀਆਂ ਬਾਜ,
ਸੁਖੀ ਵੱਸਣ, ਤੱਰਕੀਆਂ ਪਾਵਣ, `ਕੋਮਲ` ਨੂੰ ਹਰ ਧੀ `ਤੇ ਨਾਜ
ਧੀਅ ਨੂੰ ਕਹਿੰਦੇ ਜੱਗ ਜਨਨੀ, ਗੁਰੂਆਂ ਪੀਰਾਂ ਦਿੱਤੀ ਵਡਿਆਈ
ਜੀ ਲੋਹੜੀ ਸ਼ਗਨਾਂ ਦੀ, ਸਾਡੇ ਵਿਹੜੇ ਦੇ ਵਿੱਚ ਆਈ।
ਕੋਮਲਪ੍ਰੀਤ ਕੌਰ
ਅੰਮ੍ਰਿਤਸਰ ।
ਮੋ : 81949-60168