ਵੋਕੇਸ਼ਨਲ ਵਿਸ਼ੇ ਐਨ.ਐਸ.ਕਿਯੂ.ਐਫ ਬਾਰੇ ਵਿਦਿਆਰਥਣਾਂ ਨੂੰ ਦਿੱਤੀ ਜਾਣਕਾਰੀ

ਮਾਲੇਰਕੋਟਲਾ, 30 ਜਨਵਰੀ (ਪੰਜਾਬ ਪੋਸਟ- ਹਰਮਿੰਦਰ ਸਿੰਘ ਭੱਟ) – ਸਥਾਨਕ ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ ਸਕੂਲ ਵਿਖੇ ਪੰਜਾਬ ਸਰਕਾਰ ਵੱਲੋਂ ਸਕੂਲਾਂ ਵਿੱਚ ਚਲਾਏ ਜਾ ਰਹੇ ਵੋਕੇਸ਼ਨਲ ਵਿਸ਼ੇ (ਐਨ.ਐਸ.ਕਿਯੂ.ਐਫ) ਅਧੀਨ ਪ੍ਰਿੰਸੀਪਲ ਹਰਜਿੰਦਰ ਸਿੰਘ ਦੀ ਰਹਿਨੁਮਾਈ ਵਿੱਚ ਸੰਗਰੂਰ ਤੋਂ ਹਨੀ ਟਰਾਈਕੋ ਸੇਲੂਨ ਐਂਡ ਅਕੈਡਮੀ ਦੇ ਟਰੇਨਰ ਹਨੀ ਵੱਲੋਂ ਸਕੂਲ ਦੀਆਂ ਵਿਦਿਆਰਥਣਾਂ ਨੂੰ ਵਿਸ਼ੇ ਸਬੰਧੀ ਪੂਰਨ ਅਤੇ ਪ੍ਰਪੱਖ ਜਾਣਕਾਰੀ ਦਿੱਤੀ।ਇਸ ਦੌਰਾਨ ਉਹਨਾਂ ਨੇ ਵਿਦਿਆਰਥਣਾਂ ਨੂੰ ਇਸ ਕਿੱਤੇ ਦੀ ਭਵਿੱਖ ਵਿੱਚ ਮਹੱਤਤਾ ਬਾਰੇ ਬਹੁਤ ਹੀ ਰੌਚਿਕ ਢੰਗ ਨਾਲ ਸਮਝਾਇਆ। ਸੈਮੀਨਾਰ ਤੋਂ ਬਾਅਦ ਵਿਦਿਆਰਥਣਾਂ ਨੂੰ ਪ੍ਰਿੰਸੀਪਲ ਹਰਜਿੰਦਰ ਸਿੰਘ ਨੇ ਸਰਟੀਫਿਕੇਟ ਵੀ ਵੰਡੇ।ਸੈਮੀਨਾਰ ਵਿੱਚ ਸਕੂਲ ਦੇ ਵੋਕੇਸ਼ਨਲ ਟਰੇਨਰ ਨਿਹਾ ਕਾਰਕੀ, ਪ੍ਰਵੀਨ ਅਤੇ ਮੈਡਮ ਰੁਬੀਨਾ ਵੀ ਹਾਜ਼ਰ ਸਨ।