ਵਿਸ਼ੇਸ਼ ਤੇ ਅਹਿਮ- ਸੰਖੇਪ ਖਬਰਾਂ

ਅੰਮ੍ਰਿਤਸਰ, 27 ਦਸੰਬਰ (ਪੰਜਾਬ ਪੋਸਟ ਬਿਊਰੋ) –
·    ਪੰਜਾਬ ਦੀ ਕੈਪਟਨ ਸਰਕਾਰ ਵਲੋਂ ਕਰਜ਼ਾ ਮਾਫੀ ਦਾ ਕਿਸਾਨਾਂ ਨੂੰ ਨਹੀਂ ਹੋਇਆ ਕੋਈ ਲਾਭ, 2008 `ਚ ਵੀ ਕਾਂਗਰਸ ਨੇ ਕਿਸਾਨਾਂ ਨੂੰ ਕੀਤਾ ਸੀ ਗੁੰਮਰਾਹ – ਧਰਮਸ਼ਾਲਾ `ਚ ਬੋਲੇ ਮੋਦੀ।
·    ਸਾਢੇ ਚਾਰ ਸਾਲਾਂ `ਚ ਮੋਦੀ ਨੇ ਕਿਸਾਨਾਂ ਦਾ ਇਕ ਪੈਸਾ ਵੀ ਨਹੀਂ ਕੀਤਾ ਮਾਫ – ਰਾਹੁਲ ਗਾਂਧੀ।
·    ਪੰਜਾਬ ਸਰਕਾਰ ਨੇ 3.17 ਲੱਖ ਕਿਸਾਨਾਂ ਦਾ ਕਰਜ਼ਾ ਕੀਤਾ ਮਾਫ – ਮੋਦੀ ਨੂੰ ਸੌਂਪਾਂਗੇ ਲਿਸਟ,  ਝੂਠੇ ਪੈਣ ;ਤੇ ਦੇਸ਼ ਤੋਂ ਮਾਫੀ ਮੰਗਣ ਮੋਦੀ- ਸੁਖਜਿੰਦਰ ਰੰਧਾਵਾ ਕੈਬਨਿਟ ਮੰਤਰੀ।
·    2019 ਦੀਆਂ ਲੋਕ ਸਭਾ ਚੋਣਾਂ `ਚ ਭਾਜਪਾ ਨੂੰ ਟੱਕਰ ਦੇਣ ਲਈ ਕਾਂਗਰਸ ਤਿਆਰ – ਕੈਪਟਨ।
·    ਨਰੇਂਦਰ ਮੋਦੀ ਦੇ ਝੂਠ ਦਾ 2019 ਦੀਆਂ ਲੋਕ ਸਭਾ ਚੋਣਾਂ `ਚ ਲੋਕ ਦੇਣਗੇ ਜਵਾਬ- ਡਾ. ਰਾਜ ਕੁਮਾਰ।
·    ਕੈਪਟਨ ਅਮਰਿੰਦਰ ਸਿੰਘ ਨੇ ਫਤਹਿਗੜ ਸਾਹਿਬ ਵਿਖੇ ਨਤਮਸਤਕ ਹੋ ਕੇ ਛੋਟੇ ਸਾਹਿਜ਼ਾਦਿਆਂ ਤੇ ਮਾਤਾ ਗੁਜਰ ਕੌਰ ਜੀ ਨੂੰ ਕੀਤਾ ਨਮਨ।
·    ਸ਼ਹੀਦੀ ਸਮਾਗਮ ਦੌਰਾਨ ਨਹੀਂ ਹੋਣੀਆਂ ਚਾਹੀਦੀਆਂ ਸਿਆਸੀ ਕਾਨਫਰੰਸਾਂ, ਕਾਂਗਰਸ ਅੱਗੋਂ ਵੀ ਨਹੀਂ ਕਰੇਗੀ ਕੋਈ ਕਾਨਫਰੰਸ – ਕੈਪਟਨ ਅਮਰਿੰਦਰ।
·    ਬੁੱਤ `ਤੇ ਕਾਲਖ ਮੱਲਣ ਵਾਲਿਆਂ `ਤੇ ਤੁਰੰਤ ਕਾਰਵਾਈ, ਪਰ ਬੇਅਦਬੀਆਂ ਦੇ ਮਾਮਲੇ ਨੂੰ ਕਾਂਗਰਸ ਨੇ ਕਮਿਸ਼ਨਾਂ ਦੀ ਜਾਂਚ `ਚ ਉਲਝਾਇਆ- ਸਿਮਰਜੀਤ ਬੈਂਸ।
·    ਬੇਅਦਬੀ ਮਾਮਲਿਆਂ ਦੇ ਦੋਸ਼ੀ ਬਾਦਲਾਂ `ਤੇ ਕੈਪਟਨ ਮਿਹਰਬਾਨ ਕਿਓਂ ?- ਭਗਵੰਤ ਮਾਨ।
·    ਹਾਈਕੋਰਟ ਵਲੋਂ ਪੰਚਾਇਤੀ ਚੋਣਾਂ ਸਬੰਧੀ ਪੰਜਾਬ ਸਰਕਾਰ ਦੀ ਰਿਵਿਊ ਪਟੀਸ਼ਨ ਸੁਣਨ ਤੋਂ ਇਨਕਾਰ- 7 ਜਨਵਰੀ ਨੂੰ ਹੋਵੇਗੀ ਅਗਲੇਰੀ ਸੁਣਵਾਈ, ਚੋਣਾਂ ਕਰਵਾਉਣ ਜਾਂ ਲਮਕਾਉਣ ਦੀ ਗੱਲ ਸਰਕਾਰ `ਤੇ ਛੱਡੀ।
·    ਪੰਚਾਇਤੀ ਚੋਣਾਂ 30 ਦਸੰਬਰ ਨੂੰ ਹੀ ਹੋਣਗੀਆਂ, ਮੁੜ ਦਾਖਲ ਹੋਣ ਵਾਲੀਆਂ ਨਾਮਜ਼ਦਗੀਆਂ  ਦੀ 48 ਘੰਟਿਆਂ `ਚ ਹੋਵੇਗੀ ਜਾਂਚ- ਚੋਣ ਕਮਿਸ਼ਨ।
·    ਟ੍ਰਿਪਲ ਤਲਾਕ ਬਿੱਲ ਲੋਕ ਸਭਾ `ਚ ਪਾਸ- ਬਿੱਲ ਦੇ ਹੱਕ `ਚ 245 ਤੇ ਵਿਰੋਧ `ਚ ਪਈਆਂ 11 ਵੋਟਾਂ – ਕਾਂਗਰਸ ਤੇ ਹਮਾਇਤੀ ਦਲਾਂ ਨੇ ਕੀਤਾ ਵਾਕ ਆਊਟ।
·    ਹਿਮਾਚਲ ਪ੍ਰਦੇਸ਼ ਦੇਸ਼ ਦਾ ਪਹਿਲਾ ਆਰਗੈਨਿਕ ਪ੍ਰਦੇਸ਼ ਬਣ ਸਕਦਾ ਹੈ – ਮੋਦੀ।
·    ਕਾਂਗਰਸ ਨੇ ਰਾਜਪਾਲ ਨੂੰ ਸੌਂਪੀ ਹਿਮਾਚਲ ਦੀ ਜੈ ਰਾਮ ਸਰਕਾਰ ਦੀ ਇੱਕ ਸਾਲ ਦੀ ਕਾਰਗੁਜ਼ਾਰੀ ਬਾਰੇ ਚਾਰਜ਼ਸ਼ੀਟ, ਬਾਬਾ ਰਾਮਦੇਵ ਨੂੰ ਸੋਲਨ `ਚ ਸੱਸਤੀ ਜਮੀਨ ਦੇਣ `ਤੇ ਜਤਾਇਆ ਵਿਰੋਧ।
·    ਐਨ.ਆਈ.ਏ ਵਲੋਂ ਗ੍ਰਿਫਤਾਰ ਆਈ.ਐਸ.ਆਈ.ਐਸ ਦੇ 10 ਸ਼ੱਕੀ ਭੇਜੇ 12 ਦਿਨਾਂ ਪੁਲਿਸ ਰਿਮਾਂਡ `ਤੇ।
·    ਕੇਂਦਰੀ ਗ੍ਰਹਿ ਮੰਤਰਾਲੇ ਨੇ ਖਾਲਿਸਤਾਨ ਲਿਬਰੇਸ਼ਨ ਫੋਰਸ ਜਥੇਬੰਦੀ `ਤੇ ਲਾਇਆ ਬੈਨ।
·    ਰਾਜੀਵ ਗਾਂਧੀ ਦੇ ਬੁੱਤ `ਤੇ ਕਾਲਖ ਮੱਲਣ ਵਾਲੇ 14 ਦਿਨਾਂ ਲਈ ਜੁਡੀਸ਼ੀਅਲ ਰਿਮਾਂਡ `ਤੇ ਜੇਲ ਭੇਜੇ।
·    ਪੰਚਾਇਤੀ ਚੋਣਾਂ ਦੇ ਪ੍ਰਚਾਰ ਦੌਰਾਨ ਅੰਮ੍ਰਿਤਸਰ `ਚ ਅਕਾਲੀ ਤੇ ਕਾਂਗਰਸੀ ਭਿੜੇ।
·    ਮੇਘਾਲਿਆ ਕੋਲਾ ਖਾਣ `ਚ ਭਰੇ ਪਾਣੀ `ਚ ਫਸੇ 15 ਮਜ਼ਦੂਰਾਂ ਨੂੰ ਕੱਢਣ `ਚ ਮਦਦ ਕਰਨ ਲਈ ਅੰਮ੍ਰਿਤਸਰ ਤੋਂ ਇੰਜ. ਜਸਵੰਤ ਸਿੰਘ ਗਿੱਲ ਨੂੰ ਬੁਲਾਇਆ ਗਿਆ।
·    ਜਸਵੰਤ ਸਿੰਘ ਗਿੱਲ ਇਸ ਤੋਂ ਪਹਿਲਾਂ ਬਚਾਅ ਚੁੱਕੇ ਹਨ ਪੱਛਮੀ ਬੰਗਾਲ ਦੀ ਕੋਲਾ ਖਾਣ `ਚ ਫਸੇ 64 ਮਜ਼ਦੂਰ।
·    ਅੰਮ੍ਰਿਤਸਰ `ਚ ਪੁਲਿਸ ਵਲੋਂ 300 ਗ੍ਰਾਮ ਹੈਰੋਇਨ ਤੇ 5 ਲੱਖ 20 ਹਜਾਰ ਨਕਦੀ ਸਮੇਤ ਦੋ ਗ੍ਰਿਫਤਾਰ।
·    ਸਥਾਨਕ ਸਰਕਾਰਾਂ ਮੰਤਰੀ ਨਵਜੋਤ ਸਿੱਧੂ ਨੇ ਬਠਿੰਡਾ `ਚ ਬਣ ਰਹੇ ਏਮਜ਼ ਹਸਪਤਾਲ ਨੂੰ ਸਾਰੀਆਂ ਫੀਸਾਂ ਦੀ ਅਦਾਇਗੀ ਕੀਤੀ ਮਾਫ।
·    ਵਿਜੀਲੈਂਸ ਨੇ ਤਰਨ ਤਾਰਨ `ਚ ਤਾਇਨਾਤ ਬਿਜਲੀ ਵਿਭਾਗ ਦੇ ਜੇ.ਈ ਨੂੰ 7000 ਦੀ ਰਿਸ਼ਵਤ ਲੈਂਦਿਆਂ ਰੰਗੇ ਹੱਥੀਂ ਕੀਤਾ ਗ੍ਰਿਫਤਾਰ।