ਸਫਾਈ ਅਭਿਆਨ ਰੇਲਵੇ ਲਾਈਨ ਪਾਰ ਇਲਾਕੇ ਵਿੱਚ ਹੋਇਆ ਫੇਲ

ਫਾਜਿਲਕਾ, 13 ਅਕਤੂਬਰ (ਵਿਨੀਤ ਅਰੋੜਾ) – ਬੇਸ਼ੱਕ ਕੇਂਦਰ ਸਰਕਾਰ ਵਲੋਂ ਸ਼ੁਰੂ ਕੀਤਾ ਗਿਆ ਸਵੱਛ ਭਾਰਤ ਮੁੰਹਿਮ ਦੇ ਤਹਿਤ ਸ਼ਹਿਰ ਅਤੇ ਪਿੰਡਾਂ ਨੂੰ ਸਾਫ਼ ਬਣਾਉਣ ਦੇ ਦਾਵੇ ਕੀਤੇ ਜਾ ਰਹੇ ਹਨ , ਪਰ ਰੇਲਵੇ ਪਾਰ ਦੇ ਇਲਾਕੇ ਵਿੱਚ ਇਹ ਅਭਿਆਨ ਫੇਲ ਹੋ ਚੁੱਕਿਆ ਹੈ। ਜਿਲਾ ਪ੍ਰਸ਼ਾਸਨ ਅਤੇ ਨਗਰ ਕੌਂਸਲ ਵਲੋਂ ਇਸ ਇਲਾਕੇ ਵਿੱਚ ਸਿਰਫ ਇੱਕ ਦਿਨ ਹੀ ਸਫਾਈ ਕਰਣ ਦੀ ਖਾਨਾਪੂਰਤੀ ਕੀਤੀ ਗਈ।ਪਰ ਉਸ ਦੌਰਾਨ ਵੀ ਸੀਵਰੇਜ ਵਿਵਸਥਾ ਵਿੱਚ ਸੁਧਾਰ ਨਹੀਂ ਕੀਤਾ ਗਿਆ।ਜਿਸ ਕਾਰਨ ਨਵੀਂ ਆਬਾਦੀ ਇਸਲਾਮਾਬਾਦ ਦੇ ਬਾਸ਼ਿੰਦੇ ਪਿਛਲੇ ਕਰੀਬ ਤਿੰਨ ਮਹੀਨੇ ਤੋਂ ਇਸ ਸਮੱਸਿਆ ਤੋਂ ਪਰੇਸ਼ਾਨ ਹਨ।ਮੌਜੂਦਾ ਹਾਲਾਤ ਇਹ ਹਨ ਕਿ ਸੀਵਰੇਜ ਦਾ ਦੂਸ਼ਿਤ ਪਾਣੀ ਗਲੀਆਂ ਵਿੱਚ ਫੈਲਣ ਤੋਂ ਬਾਅਦ ਹੁਣ ਘਰਾਂ ਵਿੱਚ ਪੁੱਜਣਾ ਸ਼ੁਰੂ ਹੋ ਗਿਆ ਹੈ ।ਜਿਸਦੇ ਚਲਦੇ ਅੱਜ ਉੱਥੇ ਲੋਕਾਂ ਨੇ ਨਗਰ ਕੌਂਸਲ ਦੇ ਖਿਲਾਫ ਨਾਰੇਬਾਜੀ ਕੀਤੀ ਅਤੇ ਮੰਗ ਕੀਤੀ ਹੈ ਕਿ ਨਵੀਂ ਆਬਾਦੀ ਵਿੱਚ ਸੀਵਰੇਜ ਵਿਵਸਥਾ ਵਿੱਚ ਸੁਧਾਰ ਕੀਤਾ ਜਾਵੇ।

ਇਸ ਬਾਰੇ ਵਿੱਚ ਜਾਣਕਾਰੀ ਦਿੰਦੇ ਹੋਏ ਮੌਹੱਲਾ ਨਿਵਾਸੀ ਮਦਨ ਲਾਲ, ਭਜਨ ਲਾਲ, ਗੁਰਮੁਖ ਰਾਮ, ਕਾਲੀ, ਦੇਸ ਰਾਜ, ਵਿਨੋਦ ਮੋਂਗਾ, ਬਲਦੇਵ, ਬਾਲ ਕ੍ਰਿਸ਼ਣ ਨੇ ਦੱਸਿਆ ਕਿ ਪਿਛਲੇ ਲੰਬੇ ਸਮੇਂ ਤੋਂ ਮੌਹੱਲੇ ਵਿੱਚ ਸੀਵਰੇਜ ਜਾਮ ਪਿਆ ਹੈ।ਇਸ ਸਮੱਸਿਆ ਦੇ ਨਿਜਾਤ ਲਈ ਨਗਰ ਕੌਂਸਲ ਦੇ ਕਰਮਚਾਰੀ ਆਉਂਦੇ ਤਾਂ ਹਨ,ਪਰ ਉਹ ਇਸ ਸਮੱਸਿਆ ਤੋਂ ਛੁਟਕਾਰਾ ਨਹੀਂ ਦਿਵਾ ਪਾਏ। ਉਨ੍ਹਾਂ ਨੇ ਦੱਸਿਆ ਕਿ ਕੌਂਸਲ ਕਰਮੀ ਟੈਂਕ ਵਿੱਚ ਸਿਰਫ ਪਾਣੀ ਭਰ ਕੇ ਲੈ ਜਾਂਦੇ ਸਨ, ਪਰ ਸੀਵਰੇਜ ਦੀ ਸਫਾਈ ਨਹੀਂ ਕੀਤੀ ਗਈ।ਜਿਸ ਕਾਰਨ ਪਾਣੀ ਮੁੜ ਗਲੀਆਂ ਵਿੱਚ ਜਮਾਂ ਹੋ ਜਾਂਦਾ ਹੈ ।ਉਨ੍ਹਾਂ ਨੇ ਦੱਸਿਆ ਕਿ ਮੌਹੱਲੇ ਦੀ ਗਲੀ ਨੰਬਰ 3, 5, 6 ਅਤੇ ਗੰਜੂ ਹਸਤਾ ਰੋੜ ਉੱਤੇ ਸਥਿਤ ਮੌਹੱਲੇ ਦੀਆਂ ਗਲੀਆਂ ਵਿੱਚ ਦੂਸ਼ਿਤ ਪਾਣੀ ਫੈਲ ਚੁੱਕਿਆ ਹੈ ।ਛਿੰਦਰਪਾਲ, ਗੁਰਦਿਆਲ, ਅਮਰ ਲਾਲ, ਸ਼ਗਨ ਲਾਲ ਅਤੇ ਨੰਦ ਲਾਲ ਨੇ ਦੱਸਿਆ ਕਿ ਸਭ ਤੋਂ ਜਿਆਦਾ ਭੈੜਾ ਹਾਲ ਗਲੀ ਨੰਬਰ ਛੇ ਦਾ ਹੈ, ਜਿੱਥੇ ਮੁੱਖ ਰਸਤਾ ਗੰਜੂ ਹਸਤਾ ਰੋਡ ਉੱਤੇ ਸਥਿਤ ਧਾਰਮਿਕ ਸਥਾਨ ਦੇ ਆਸਪਾਸ ਸੀਵਰੇਜ ਦਾ ਦੂਸ਼ਿਤ ਪਾਣੀ ਜਮਾਂ ਹੈ।ਜਿਸ ਕਾਰਨ ਸ਼ਰੱਧਾਲੁਆਂ ਦਾ ਉੱਥੇ ਆਉਣਾ ਜਾਉਣਾ ਬੰਦ ਹੋ ਗਿਆ ਹੈ ।ਉੱਧਰ ਰਘੁਵਰ ਭਵਨ ਦੇ ਆਸਪਾਸ ਵੀ ਸੀਵਰੇਜ ਦਾ ਦੂਸ਼ਿਤ ਪਾਣੀ ਜਮਾਂ ਹੈ, ਜਿਸ ਕਾਰਨ ਉੱਥੇ ਬੀਮਾਰੀਆਂ ਫੈਲਰਨੀਆਂ ਸ਼ੁਰੂ ਹੋ ਗਈਆਂ ਹਨ।ਖਾਸਕਰ ਬੱਚੇ ਅਤੇ ਔਰਤਾਂ ਉੱਤੇ ਬੀਮਾਰੀਆਂ ਦਾ ਜਿਆਦਾ ਅਸਰ ਵਿਖਾਈ ਦੇ ਰਿਹਾ ਹੈ।ਉਨ੍ਹਾਂ ਨੇ ਨਗਰ ਕੌਂਸਲ ਤੋਂ ਮੰਗ ਕੀਤੀ ਹੈ ਕਿ ਨਵੀਂ ਆਬਾਦੀ ਇਸਲਾਮਾਬਾਦ ਵਿੱਚ ਸੀਵਰੇਜ ਨੂੰ ਸਾਫ਼ ਕੀਤਾ ਜਾਵੇ ਤਾਂਕਿ ਦੂਸ਼ਿਤ ਪਾਣੀ ਗਲੀਆਂ ਵਿੱਚ ਨਾ ਫੈਲੇ ਅਤੇ ਲੋਕਾਂ ਨੂੰ ਇਸ ਸਮੱਸਿਆ ਤੋਂ ਛੁਟਕਾਰਾ ਮਿਲ ਸਕੇ ।