ਰਾਣਾ ਬੁੱਗ ਨੇ ਪ੍ਰੈਸ ਦੀ ਹੋ ਰਹੀ ਦੁਰਵਰਤੋ ਸਬੰਧੀ ਡੀ.ਐਸ.ਪੀ ਨੂੰ ਦਿੱਤਾ ਮੰਗ ਪੱਤਰ

ਡੀ.ਐਸ.ਪੀ ਭਿੱਖੀਵਿੰਡ ਨੇ ਮੰਗ ‘ਤੇ ਕਾਰਵਾਈ ਕਰਨ ਦਾ ਦਿੱਤਾ ਭਰੋਸਾ

ਭਿੱਖੀਵਿੰਡ ੧੩ ਮਾਰਚ (ਰਣਜੀਤ, ਰਾਜੀਵ)- ਭਿੱਖੀਵਿੰਡ ਵਿੱਚ ਚੰਡੀਗੜ ਯੂਨੀਅਨ ਜਰਨਲਿਸਟ ਬਲਾਕ ਪ੍ਰਧਾਨ ਭਿੱਖੀਵਿੰਡ ਰਾਣਾ ਬੁੱਗ ਦੀ ਅਗਵਾਈ ਹੇਠ ਇੱਕ ਮੀਟਿੰਗ ਹੋਈ, ਜਿਸ ਵਿੱਚ ਕਈ ਅਹਿਮ ਫੈਸਲੇ ਲੈਂਦਿਆਂ ਪ੍ਰੈਸ ਦੀ ਦੁਰਵਰਤੋ ਕਰਨ ਵਾਲਿਆ ਖਿਲਾਫ ਕਾਰਵਾਈ ਕਰਾਉਣ ਦਾ ਫੈਸਲਾ ਲਿਆ ਗਿਆ।ਮੀਟਿੰਗ ਉਪਰੰਤ ਇਸ ਸਬੰਧੀ ਪ੍ਰਧਾਨ ਰਾਣਾ ਬੁੱਗ ਵੱਲੋ ਸਾਥੀਆਂ ਸਮੇਤ ਇੱਕ ਮੰਗ ਪੱਤਰ ਡੀ.ਐਸ.ਪੀ ਹਰਪਾਲ ਸਿੰਘ ਭਿੱਖੀਵਿੰਡ ਨੂੰ ਦਿੱਤਾ ਗਿਆ।ਪੱਤਰ ਲੈ ਕੇ ਡੀ.ਐਸ.ਪੀ ਭਿੱਖੀਵਿੰਡ ਨੇ ਪੱਤਰਕਾਰ ਭਰੋਸਾ ਦਿੱਤਾ ਕਿ ਭਾਈਚਾਰੇ ਦੀ ਮੰਗ ‘ਤੇ ਹਰ ਹਾਲਤ ‘ਚ ਕਾਰਵਾਈ ਕੀਤੀ ਜਾਵੇਗੀ।ਉਨਾਂ ਹੋਰ ਕਿਹਾ ਕਿ ਨਜਾਇਜ਼ ਤੌਰ ਤੇ ਪ੍ਰੈਸ ਸ਼ਬਦ ਦੀ ਦੁਰਵਰਤੋ ਕਰਨ ਵਾਲਿਆਂ ਨੂੰੰ ਬਖਸ਼ਿਆ ਨਹੀ ਜਾਵੇਗਾ।ਇਸ ਮੌਕੇ ਮਨਿੰਦਰਪਾਲ ਸਿੰਘ ਮਨੀ, ਰਜੀਵ ਭਾਟੀਆ, ਅੰਮ੍ਰਿਤਪਾਲ ਸੋਢੀ, ਹਰਮਨ ਬੁੱਟਰ, ਵਾਇਸ ਪ੍ਰਧਾਨ ਤਰਸੇਮ ਸਿੰਘ, ਕਪਿਲ ਧਵਨ, ਕਮਲ ਕੱਕੜ, ਦਵਿੰਦਰ ਧਵਨ,ਜੱਜ, ਹਰਜੀਤ ਲਵਲੀ, ਗੁਰਸ਼ਰਨ ਸਿਧਵਾਂ, ਲੱਖਾ ਵਲਟੋਹਾ, ਨਰਿੰਦਰ ਸਿੰਘ, ਲੱਖਾ ਗੋਲਣ ਅਤੇ ਕਾਲਾ ਆਦਿ ਹਾਜਰ ਸਨ।